Hitskin.com

زائر

السلام عليكم ورحمة الله وبركاتة

العواف عليكم ..

نحييكم .. ونقدم لكم .. المباراه النهائيه لكاس مصر ..

مباشرة م استاد المنتدى الدولى .. معكم الكابتن شعله....

مباراه تنبأ ستادنا البزرميطى بانها ستكون حامية الوطيس ..

الحكومه vs الشعب

زى مااحنا شايفين قدامنا المنتخب الحكومى بالفنلات البيضا والجزم الاديداس السيلفر

منوريين ف ارض الملعب

ايه ده .. ايه ده .. شايفين اللى انا شايفاه ياجماعه

وانتو تشوفوا ليه اصلا .. اما شعب ابن طماعه ميملاش عينه غير التراب:D

زى ماانا شايف .. ان وزير الاعلام مش موجود ف الملعب

و ع دكة الاحتياطى وزير الاسكان .. وزير الاستثمار .. وزير البيئه والبتاع ..

ونزل الملعب فريق الشعب بفنلاتهم السودا وكوتشيات باتا (( متانه وخياطه))

وزى مااحنا عارفين ياجماعه ان باتا شىء يفخر بيه كل مصرى ..

زى مااحنا عارفين ان باتا ابتدت سنة

ايوه وزى مااحنا شايفين الحكام نزلت الملعب .. كابتن شلضم ابو دومه ..

وحاملى الشومه الكابتن مصطفى سنجه والكابتن عبده دهشور ..

ومع انطلاق صافرة كابتن شلضم .. ابتدت المباراه

خرج كابتنا شلضم ربع جنيه مخروم .. اختارت الحكومه الوش ..

وبرده اخدت الضهر .. الحكومه تاخد كل حاجه ياغجررررر

حدف الحكم الربع جنيه .. منزلش الربع جنيه ..( اتلطش) اشار الحكم ان الكوره مع الحكومه

ابتدت المباراه .. الجماهير تتعالى هتفاته مصر مصر تحيا مصر .. مصر يااما ياثفينه

الكوره مع السيد الفاضل الوزير على مصيلحى .. ترقيصه .. يباصى لوزير الصحه

ترجع للدكتور على مصيلحى .. وجوووووووووووون م برا ال 19 .. الله عليك الله عليك

(( المواطن المصرى يستطيع ان يعيش ب ثلاثين جنيها شهريا لا غير ))

الكوره دلوقت مع الشعب .. تتقدم نقابة المعلمين .. يراوغها وزير التعليم

ولكن ياووووووووولد جووووووووون .. هو ده المدرس المصرى النيل رواه والخير جواه

(( يقتنص المعلمين الكادر الخاص بزيادة راتبهم بعد طول معاناه))

الكوره دلوقت مع السيد الوزير حاتم الجبلى .. شنكله وكعبله ف وسط الملعب

صفاره وشاره .. ركنيه ع الشعب .. يلعب الركنيه السيد وزيرالسياحه

تسقيطه وجوووووووون .. الجون التانى للحكومه احرزته السيده عائشه عبد الهادى

(( المجتمع المصرى به فائض م وظائف العمل لا تجد م يشغلها .. لذلك لا يوجد مايسمى بالبطاله ))

الكوره مع الشعب .. والنتيجه 2/1 والجماهير عليت بالهتافات ياجماعه

تسقيطه لنص الملعب .. توصل لنقابة الصيادله .. تشابك شديد و يسحبها منهم وزير الصحه

((ضجر الصيادله م قرارات الخاصه بجداول الادويه وحبس الصيادله المخالفين ))

كوره عرضيه رائعه .. تخلصها الضرائب العقاريه بنجاح ..

(( اضراب العاملين بالضرائب العقاريه مطالبين بزياردة رواتبهم ))

ون تو لنقابة الاطباء .. ولا ارووووع .. ياجماعه الناس دى مش نازله تهزر

(( تهديد الاطباء بالاضراب ف حالة عدم الموافقه ع كادر الاطباء ))

اىىى شنكله .. نقابة الاطباء ع الارض ..

ايه ده لا فيه كارت ولا شاره ولا صفاره ولا حاجه

ماعلينا .. ياجماعه الكوره اجوان .. الاسعاف دخل وشال نقابة الاطباء

ان شاء الله خير ياجماعه

ايه اللى انا شيفاه ده .. مدرب الحكومه بيسخن ونزل الملعب

مش ممكن ياجماعه المباراه دى هتدخل التاريخ ..

الكوره دلوقت مع مدرب الفريق .. باكتساح

عابر المستطيل الاخضر كامل .. يطويه كمن يطوى قميصه بعدما كواه

ايه ده .. محدش قادر يسلك الكوره ياجماعه .. ايه اللى بيحصل ده

ايه اللى انا شايفو ده

جووووووووووووووووووووووووووووووووووووووووووووون

رائعه للسيد الدكتور قائد الفريق احمد نظيف
(( ليس م حق اى موظف حكومى ان يضرب عن عمله .. عايز تعترض

اعترض براحتك محدش قالك متعترضش .. مارس عملك عادى

بس علق شاره سودا ع كتفك حدادا ع مطالبك اللى ابقى قابلنى لو طولتها

بعد متخلص ساعات عملك الطبيعيه خد زمايلك اللى عايزين يضربوا معاك

واطلعوا هاتوا شمسيتين وكرسيين واقعدوا ساعه اعتراض قدام محل عملكم

قانون العمل بيقول ان مش م حق اى موظف انه يضرب .. فاهمين .. ولا ليلتكم هترسى ع ايه

يعنى انتم موظفين حكومه محترمين لابسين جزم باتا محصلتش .. تيشرتات سودا ماركة اتقمع واتلمع

مش عاجبيكم .. شايفين اى عامل ف شركه او مصنع خاص بيضرب .. لا طبعااااااااااااااا

لانهم ناس اخلاقهم عاليه بغض النظر عن انهم واخدين حقوقهم وع قد مبيشتغلوا بياخدوا ..

لكن كفايه انك موظف حكومى بتخدم بلدك .. يعنى انت لو بتحب بلدك تشتغل ببلاش

دى مصر انتو فاهمين مصرررررر ))

.......

واخيرا اطلق الحكم صافرة نهاية المباره ..

ويبقى الوضع كما هو عليه ..

.. هذه الخربوشه ليست للسخريه م احد ..

حاشا لله ..

.. ولكن تعبيرا عن مواقف واراء مضاده ف اطار ترفيهى ..

.. اكن لجميع م ذكرتهم المزيد م الاحترام ..

.. تمنياتى للفريقين بالنجاح والفوز بالكاس مناصفه

.. حتى نحيا ف سلام ..

كان معكم زى مقلتلكم ف الاول مش فيلم هو

كابتن شعله

تششششششششششششش

ااقفلى التلفزيون يا......

..
قفلته يااخويا .. كورة ايه وهم ايه .. صحتك بالدنيا

ملطووووووووووووش

تحياتي لكم
وادي الحب

ههههههههههه حلوه اوي ياوادي الحب
في انتظار مزيدك
خالص تحياتي..........

زائر

السلام عليكم ورحمة الله وبركاتة

في انتظار المزيد انا كده هروح في داهيه ههههههههههههه
مشكووووووووووووووره سهيله علي مرورك
خالص تحياتي
وادي الحب

هههههههههههههههههههههههههههههههههه
هههههههههههههههههههههههههههه

واد يا لعيب ايه الجرئه الي نزلت عليك مرة وحده
ههههههههههههههههه

تسلم وادي الحب ع الموضوع النايس

تحياتي لك حبيبي

نمر الرافدين

زائر

السلام عليكم ورحمة الله وبركاتة

جرئه ايه << دي تخاريف امتحانات هههههههههههههه
نمور مش هوصيك تيجي تزورني وتجيب معاك عيش وحلاوة
ههههههههههههههههههههه
دوووووووم منور متصفحي
خالص تحياتي
وادي الحب

هههههههههههههههههههه تسلم ياوادى على موضوعك الجميل

زائر

السلام عليكم ورحمة الله وبركاتة

مشكووووووووور محمد علي مرورك اللي اضاء متصفحي
خالص تحياتي
وادي الحب

» لكل الاعضآء ××السجن الادبي××
» لعبة (( السجن )) ... ادخلوا هتعجبكم

Hitskin.com

ماتش كورة تمام ( اشوفكم في السجن )