السلام عليكم ورحمة الله وبركاته


دمعة وابتسامة


هكذا هي الحياة


الحياة عبارة عن ايه غير يا اما دمعة يا ابتسامة


بنتولد وبنعيش وبنتربى وبنكبر


اوقات بنبقي سعداء جدا جدا وفي قمة الفرحة والابتسامة المشرقة لدرجة انك تتخيل نفسك عمرك ما هتزعل ابدا


وان مفيش حاجة ممكن تزعلك والابتسامة لا يمكن هتفارقك


واوقات تانية بنزعل لدرجة انك تتخيل انك مش هتضحك تاني ودمعتك مش هتفارقك


وهي دي الدنيا شوية كده وشوية كده


عشان الواحد ميجزعش من كتر الفرح ولا من كتر الحزن


اوقات الواحد بيقدر يتحكم شوية في مشاعره وممكن يحصل حاجة تزعلك بس تقدر تمسك نفسك


ع الاقل قدام الناس بتحبس دمعتك بالعافية


ممكن تقدر تحبسها فعلا وممكن غصب عنك تلاقي دموعك نازلة ومش قادر تتحكم فيها


بس بتتفاوت قدرة الناس في التحكم في المشاعر دي


بس مهما كان قوة التحكم في مواقف متقدرش تحكم نفسك فيها








بنعيش في الحياة بنتعرف على ناس كتير وبنعيش مع ناس وبنحب ناس وبنكره ناس


ناس بتتمنى ماتشوفهاش تاني وناس تانية مش بتتخيل نفسك انك مش هتشوفها تاني


في ناس بتموت ومش بتفرق معاك مجرد انك تقول انا لله وانا اليه راجعون


بس انت مش زعلان اوي يعني عادي مكنتش تعرفه اوي مش معاشره اوي او مكنتش بتحبه اصلا


فبندعيله بالرحمة وخلاص


وناس تانية بتموت وانت مش عارف تصدق انهم ماتوا حاسس انك بتحلم او انك في كابوس


او اصلا عقلك بجد مش قادر يستوعب ان الانسان اللي عشت معاه طول حياتك من يوم ما اتولدت وانت بتشوفه


كل ما تحتاجه بتلاقيه من غير ما تطلبه


بيعرض خدماته دايما من غير مقدمات بيحس بيك وبيلبيلك طلباتك من غير ما تطلب


بيخاف عليك وبيحبك وحريص على مصلحتك جدا


عمرك ما بعدت عنه أكتر من شهر غير كده بتشوفه كل يوم وكل شوية


دخلته عليك بالدنيا


وفجأة تسمع خبر وفاته


بتسمع الخبر ومش بتحس بنفسك بعدها


بتنام تحلم ان دي تمثيليه وتنام تحلم ان هو لسه عايش وتحلم ان هو بيصحى تاني


عقلك الباطل لسه اصغر من انه يستوعب موقف زي كده


تلاقي نفسك في يوم عادي مش هنقول نسيت الشخص اللي مات لا طبعا لكن بتفكر في حاجة تانية


ووقت ما يحصل حاجة كان ليها علاقة بالشخض ده تلاقي نفسك كأنك لسه سامع خبر وفاته حالا


واول مرة تسمع خبر زي ده ومش قادر تمسك نفسك


وبرضه هي دي الحياة


كلنا بنتعرض لمواقف حلوة ومواقف وحشة بس الأهم من ده


مين بيشاركك ابتسامتك وبيخفف عنك حزنك


تلاقي ناس حلوين اوي وقت الفرح وييجوا يفرحوا ويتصلوا ويبقوا معاك وتمام جدا


وتيجي وقت الزنقة سبحان الله مفيش ولا اتصال مفيش حد بيسأل مفيش حد بيعرض خدماته


وبرضه الناس بتختلف


ناس تلاقيهم بجد بيعملوا معاك احلى واجب وفوق المتوقع لدرجة انك تبقى مكسوف وعمال تفكر ازاي هرد جزء صغير من اللي بيعملوه معاك


وناس اصلا المفروض وغصب عنهم يسألوا عنك ويقفوا جمبك ويساعدوك بس تيجي تدور متلاقيهمش


اتبخروا


مع ان الناس دي كانوا معاك لما كان عندك فرح وكانت القرابة ساعتها حلوة اوي وطبعا واجب ولازم يأدوه


فعلا بجد الناس بتبان في المواقف


لما تتحط في موقف معين تقدر تصنف كل الناس اللي حواليك كويس اوي وتعرف هما مين وهما ايه.....



منقول

اشكرك يانمر علي مرورك المعطر دايما ليا
ويجازيك كل خير ....تحياتي...

والله كلام حلو كتير وبنفس الوقت يالم اكتر بجد الدنيا بنشوف فيها الي يفرح والي بيوجع بس وجعها اكتر من فرحها تسلمي حبيبتي على هالموضوع الرائع وتحياتي القلبيه لالك وديما هيك اتحفينا بهيك مواضيع

تورتيني بمداخلتك يابنت فلسطين
وربنا يقدرني ويوفقني افيدكم دايما ....
ويجازيكي ويجازينا كل خير يارب ...


وع الهوا كده انتي وحشتيني جدااااااااياحبيبتي....
مع خااااااااالص تحياتي حبيبتي....

بجد موضوع اكثر من رائع بس هى دى الحياة شوية كدا وشوية كداا

تقبلى مرورى

سلام عليكم
ايه يا بت مود الكآبه ده .. بس كلامك كله مظبوط
بصى يا سهيله هيا الدنيا كده زى ماانتى قولتى مفيش حد مبسوط على طول
ولا فى حد تعيس على طول اصل لو احنا ارتحنا فى الدنيا
والحياه بقت تمام على طول هيبقى ايه لازمته الموت والجنه والنار والثواب والعقاب ..؟
وبالنسبه للناس اللى بتتبخر
انصحك متستنيش حاجه من حد ومتتعشميش فى حد زياده عن اللزوم انه هيقف جنبك ومتثقيش فى اى حد اى حد
علشان الدنيا بقت وحشه اوى ونفوس الناس اتغيرت جدا وعاملى الناس زى ماانتى
بتقولى زى ما بتحبى الناس تعاملك وبرده متستنيش انهم هيردولك المعامله
وحطى فى دماغك ان ربنا دايما بيقف جنبنا ومش بينسى عباده وبتيجى المساعده
من ناس احنا مفكرناش فيهم بس ربنا مسخرهم ليكى
كفايه كده.... وتقبلى مرورى