أخد ابن عمي و اتنشر عليه بكمي و آخد ابن خالي و اتنشر عليه بشالي

آدى الجمل و آدى النخلة


أدى الجمل و آدى الجمال

آدينى حيه لما أشوف اللى جيه


آدي السما و آدى الأرض

أهو حشر مصران


أكل فول و أخرج قفاي عرض و طول و لا آكل كباب ووقفة الديانة ورا الباب

ابطى و لا تخطى


آى تقضي شغل و لا تقضى اثنين

ابعد عن الشر و غنى له و لا تقنى له


ابعد عن الشر و غنى له

ابن بطني يفهم رطني


ابعدوا تبقوا عسل واقربوا تبقوا بصل

ابن السمان غلب ابن الجزار


الابن الردي بيجيب لأهله اللعنة

ابن عمها ينزلها من على الحصان


ابن الشيبة للخيبة


ابن الوز عوام


ابن الكُبة طلع القبة و ابن اسم الله خده الله

ابن يومين ما يعيش ثلاثة


ابن يوم ادى له يوم و ابن سنة ما تحاسبوش

ابنى فى ملكك و ملك غيرك لأ و احكم بطبعك و طبع غيرك لأ و ربي ابن ابنك و ابن بنتك لأ و الميه تنزل فى الواطي و العالى لأ


ابنك ما يبقاش ابنك الا لما تجيبه من فوق كراسى قلبك

ابوك البصل و أمك التوم منين تجيك الريحة الحلوة ما مشئوم


الأبوص أحسن من الدبوس

أبو مية بيحسد أبو حولية


أبويا الكلب وطا بى و جوزي السبع علا بى

الأبيض غلب الأسود


أبويا نهاني و قالى على الكسل بطال ، اعمل بخمسة و حاسب البطال

اتحمل همك و هم غيرك تموت و انت واقف على حيلك


اتجوز غازية و لا تتجوزش غمراوية

اتعلم الأدب من قليل الأدب


اترك الهم ينساك و ان افتكرته ضناك

اتهان الورد و اتبدر لما بقى مخاول البقر


اتعلم الكرم من البخيل

اتوصوا بينا ياللى حكمتونا احنا العبيد و انتوا اشتريتونا


اتوصوا ببعضكم جات الغربة داهية

اجرى يا خايبة للغايبة


اجرى يا ابن آدم جرى الوحوش غير نصيبك يا ابن أدم لم تحوش

احضر أردبك يزيد خروبة


اجرى يا مشكاح للقاعد مرتاح

احضر أردبك يزيد كيله


احضر أردبك يزيد قدح

احنا كده يا ستات عينا فيه كخ عليه


أحمد أخو الحاج احمد الاتنين اخوات

الأخ أخ مراته و الخايبة تحلف بحياته


احيينى النهاردة و موتنى بكره

اختلافهم رحمة


أخبار البلد مع مين ؟ مع العمى و المكسحين

أخد البال يتعب


اخته فى الخمارة و عامل أمارة

اخطب لبنتك و لا تخطبش لابنك


أخرس و عامل قاضى

اخيط بسلاية و لا المعلمة تقولى هاتى كراية


أخوك ما أهو أخوك و أبوك ما أهو ابوك

الأدب رسمال


أدب ابنك صغير تفرح بيه كبير

ادبح بسك ليلة عرسك


الأدب فضلوه عن العلم

ادعى على ابنى و قلبى يقول اسم الله


أدعي على ابنى و أكره اللى يقول آمين

ادم البخوت للندل و الندلة و مكتكتين الشعر و الهبلة


أدعى على ابنى و قلبى يقول بعيد الشر

ادوروا خبزكم يباركم لكم ربكم


ادوا للأعمى فرخة قالوا ليش حال المفتح

ادى مالك للى عنده مال و ادى عيالك للى عنده عيال


ادى العيش لخبازينه و لو ياكلوا نصه

ادينى النهاردة صوف و خد بكرة خروف


ادينى عمر و ارمينى البحر
إذا غضب الله على قوم اسكنهم بنها و شبين الكوم


إذا اختلف اللصان ظهر السارق و المسروق

إذا كان الغلة تيجى قد التبن كانت الحما تحب مرات الابن


إذا كان عندك السمن قنطار لا تقلى للعدس و لا البصار

إذا كان النبيت دردى و العشيق كردى و النقل فول حار و العشا بصار ايش يكون الحال


إذا كان الكلام من فضة يكون السكوت من دهب

اربط البغل جنب الحمار ان ما تعلم شهيقه يتعلم نهيقه


إذا كنت بتكره حد ما تقولش قدام عيلك

اربط الحمار مطرح ما يقولك صاحبه


اربط الحمار مطرح ما يحب صاحبه

أردب فول و لا أردب شعير


أردب ما هو لك لا تحضر كيله تتعفر ذقنك و ما ينوبك غير شيله

الأرض بفلوس و السما ببلاش


الأرزاق بالله

ارمح فيها يا ابو لجام خيط


اركب المطية يا عطية

استعدل و لا تستعجل


ازرع اسود الراس يقلعلك

اسعى يا عبد و أنا أسعى معاك و ان قعدت يا عبد ما حدش ينفعك


استودوا تستحبوا

ههههههههههههه
فعلا عندك حق امثال تجنن العاقل
شكرا يابنت فلسطين ..والحمد لله انا طلعت سليمه من الامثال ده
ههههههههههههههههههههومش اتجننت .....
تحياتي حبيبتي

السلام عليكم ورحمة الله وبركاتة

ادعى على ابنى و قلبى يقول اسم الله

مشكوووووووورة بنت فلسطين علي التوبيك الجامد ده
ربي يعطيكي العافيه
في انتظار جديدك
تحياتي لكي
وادي الحب

ههههههههههههه امثال حلوة يابنت فلسطين طيب مافيش امثال فلسطينية والة معندكوش


تقبلى مرورى