والله احتارنا بجد
بين الجزيرة والعربية اللى بيهولو الخبر ويكبروة جداااااا
وبين الفنوات المصرية اللى بتعتم الاخبار تمام
يعنى

الجزيرة تجيب منظر ميدان التحرير مليان بالمتظاهرين وبتغطى الخبر وبتسأل ناس موجودين ف الميدان
والقناة الاولى والثانية والفضائية المصرية وقنوات النيل وبعض القنوات المتخصصة المصرية بتجيب منظر جميل لكورنيش النيل وكأنه بيقولك الناس بتتمشى ع النيل ومفيش أى حاجة والبلد زى الفل والدنيا مستقرة

بجد تعبنا واحتارنا نصدق مين واللا مين
أنا واحدة من الناس فقدت الثقة فى الاعلام المصرى كلـــــــــــه

وإن كنت عارفة ان الجزيرة بتولعها بزيادة
بس بردة ع الاقل بتجيب جزء من الحقيقة

باختصار شديد مش بشجع الجزيرة ولاغيرها لكن الكل غلطان
مفيش حد بيجيب الحقيقة
يعنى احنا وقعنا بين فريقين من العلاميين اللى فقدو ضميرهم المهنى على الأقل
واحد بيهول الصورة ويحطها تحت الميكروسكوب والتانى بيغطى الصورة تمام وجايب صورة كورنيش النيل


مذيعة ف التلفزيون المصرى فى احدى القنوات المتخصصة قالت بمنتهى الصراحة احنا اتقال لنا نقول ان المظاهرة اللى ف التحرير عدد الناس فيها عشراااااات ورفضنا دا

ياترى ف وسط كل دا نصدق مين

أنا عن نفسى كنت بتاكد من الاخبار من بعض القنوات اللى مازالت محترمة ف وسط الهوجاء اللى بنعيشها دى
زى قناه دريم مثلا

فعلا كانت بتجيب الخبر أيا كان مع أو ضد وكمان الناس اللى بتطلع كانت بتقول كل الاراء
يعنى أراء الشعب المصرى بجد
ولم تحرج الاعلامية الكبيرة منى الشاذلى رغم معارضتها لمساوئ ومفاسد النظام لم تحرج أبدأ من نزول دموعها أمام الشاشة عندما ألقى الرئيس المصرى خاطبه وقال ** عشت على أرض هذا الوطن سأموت على أرضه**

باختصار ياجماعة احنا شعب طيب جدا
بنصدق أى كلام يتقال لنا بمجرد أنه يقرب من مشاعرنا وأعداءنا بيلعبو بالنقطة دى
اسمعوا خطابات أمريكا ** لا إلى هؤلاء ولا إلى هؤلاء ** بتمسك العصا من النص عشان ف الاخر تكون مع الفايز وبس
كمان اسرائيل واقفة ف وضع الاستعداد متربصة على حدود سينا
واحنا كلنا قاعدين نهرج ف ميدان التحرير ورمسيس وغيرهم
وناسيين ان الجيش ترك كل مواقعه عشان يجى يراضينا

حسبنا الله ونعم الوكيل فى كل من يخرب هذا البلد أو يريد ذلك

ربنا يهدينا جميعا ويارب يحفظ مصر من كل سوء ومكروه
اللهم اجعل مصر بلدنا آمنا وسائر بلاد المسلمين