ليه مكنتش مزة

زائر

السلام عليكم ورحمه الله

ازيكم ياناس عاملين ايه

بعد غياب طويل قلت ادخل اقول كلمتين

ا

اكيد الشباب داخلين يقولوا لما نشوف الموزه اللى عامله اعلان ديه
والبنات داخلين طبعا لزوم الحقد والغيره والنفسنه
عاتى عاتى متعود على اعداء النجاح ها ندخل فى الموضوع ولا تحبوا ارغى شويه
انا نفسى ارغى بس ياله بقى مش مهم

ســــــــــــــــــــــــــؤال
تفتكر لو ليك مصلحه عندنا هنا فى مصر وعايز تقضيها هتعمل ايه؟؟؟؟
انا هجاوب استخلاصا من خبرتى
ومن تجاربى الحياتيه انا عايش بقالى كتير قوى ياجماعه
اكتشفت انك تقضيها ب3 حاجات

اما الكوسه " المحسوبيه "
اما اهرش وابجنى " الرشوه "
اما انك تكون مزه جامده "بنت جميله "

ايوه ماتبصوليش كده
نتكلم بشويش عشان انا حسه انى هترحل بعد التوبيك ده

الكوسه
الكوسه مش المحصول لالا الكوسه الوسطه اللى بتخلى اللى له ضهر
مايضربش على قفاه
هات واحد دبلوم تجاره وشغله محاسب اد الدنيا عاتى بالواسطه
بلاش اجيب امثله من بره عشان حدش يزعل هتكلم عن نفسى انا
الكوسه دى
الكوسه خلتنى انا اللى لسه فى لغات و ترجمه
شغال حسابات فى شركة لينك دوت نت
مع انى لغايه دلوقتى بجمع وبطرح على ايدى
وده كبيرى فى العمليات الحسابيه
مع ان شغلتى دى المفروض ل خريج تجارة؟؟؟!!
اقولكم ربنا يبارك فيكى ياكوسه ياللى مظبطانى
ياخوفى لتبلغ عنى يابشمهندس انا شغلى فيه اجدع ناس

الرشوه
ابجنى تجدنى هو ده شعار المواطن فى اى مصلحه حكوميه على مستوى العالم
بس انا بتكلم عن مصر
والله العظيم ياجماعه انا كل علاقتى بالرشوه ديه هى
انى كنت بسمعها واشوفها فى الافلام
لكن ابويا بقى ربنا يديله الصحه وطوله العمر ورانى الرشوه فى الحياه بتكون ازاى
وربنا ياجماعه على يد ى ا..كنت بشوف نماذج لحد دلوقتى مش مصدق انى شوفتها....
للاسف كانوا يجيبوا الموظف من على باب الجامع
بالرشوه عشان يرضى يطلع معاهم والمستشارين بذات نفسهم يالهوى بلاش والنبى تحرجونى
احسن ابويا اللى هيتاذى ابويا بيقولى اخرتى على ايدك
ياعملى الاسود

المــــــــــــــــــــــزه

اعتراف من شخصيه مرموقه مثلى ان المراه المزه اصبحت ذات مكانه عاليه فى المجتمع واصبح لها مركزها الاجتماعى ووضعها
الذى لايمكن ان نغفل عنه
ايون اسالونى انا... المزه ياحضرات تدخل دلوقتى اى مصلحه او مكان ايا كان عشان تقضى مصالحها تخلص وهى واقفه
وعشان خاطر عيونها يتنسى الطابور والنظام وكبار السن اللى واقفين والناس اصحاب المصالح واللى مش عنده وقت واللى .. واللى .. واللى ..
وانت تفضل واقف كده لحد مالموزه تخلص ويبقى هاين
على الموظف يوصلها لحد البيت
وااااااااااااااااقع كلنا عايشينه
وفى مواقف كتير حصلت معايا لكن مش هحكى منها حاجه

الا انى ممكن اقولكم ب قصه لواحده مزة ونخليها على لساتها

مره موظف ادانى ورقه على مااتذكر انها تنفيذ حكم او حاجه زى كده عشان اصورها لبابا
المفروض انها ماتطلعش الا للمحامين ولازم كارنيه النقابه لكن طلعتلى انا
ومن غير ماياخد منى بطاقتى حتى كاثبات شخصيه
ويومها من حظه الهباب لانى ماكنتش مدركه قيمه المستند ده
فخليتها معايا ساعتين متواصلين والواد فوق شعره شاب
وربنا لما طلعتله قالى ربنا يسامحك كنت ميت من الرعب
واالمصيبه انى ماكنتش واخد منك اى حاجه غير اسمك
وربنا بابا قالى انتى ازاى جيبتى الورقه ديه
وماكنش مصدق ان انا اللى جبتها

واالمواقف كتيره وبالاخص فى المصالح الحكوميه
ومواقف تانيه كتير بس مش موضوعنا

اكيد المزز كلهم فرحانين دلوقتى يعنى بيننجزو
وبيتعلهم اللى ما اتعملش
بس انا عايز اقولهم ان اكيد فى يوم من الايام ها يكبرووو وهاتيجى مزز تانيه تاخد مكانهم

لا بجد ياجماعه انا بجد كرهت الدنيا واللى فيها بسبب العمايل ديه
يعنى الفقير طظين فيه ماهو ماعهوش لزوم الرشوه
اللى على اد حاله ومالوش ضهر يبقى 3 طظات فيه هيجيب منين واسطه
اللى مش مزه والراجل الكبير والست الكبيره تفضل واقفه لحد مالوزه تخلص
ايه الفوضى ديه بجد احنا بقينا فى اخر الزمن

ربنا يرحمنا برحمته ويتوب علينا بجد
شوفتوا حالنا وصل لايه شوفتوا مصالحنا ازاى بتتقضى

ملطووووووووووووووش

هههههههههههههههههههههههه

والله موضوع ميه ميه

والله كلامك صحيح في الدوائرالرسميه واي مكان
لما تريد تخلص الاوراق البنت بتكون المفضله وبعدين يشوفون الشاب
ويعطلوه ويطلعون عينه واما البنت ممكن يمشي الورق حقها عشان لا يعطلها
اما الشاب يطلعون عينه

نسال الله الهدايه للكل ونسال الله الهدايه للاخواتنا واخوننا
الي هم على غفله من امرهم

تسلم ايدك يا الغلا

تحياتي

نمر الرافدين

زائر

نمر الرافدين كتب:: هههههههههههههههههههههههه

والله موضوع ميه ميه

والله كلامك صحيح في الدوائرالرسميه واي مكان
لما تريد تخلص الاوراق البنت بتكون المفضله وبعدين يشوفون الشاب
ويعطلوه ويطلعون عينه واما البنت ممكن يمشي الورق حقها عشان لا يعطلها
اما الشاب يطلعون عينه

نسال الله الهدايه للكل ونسال الله الهدايه للاخواتنا واخوننا
الي هم على غفله من امرهم

تسلم ايدك يا الغلا

تحياتي

نمر الرافدين

معاك حق يا حسنين .. والله انا لما كنت في الجامعه لو عايز تنجز مع بتوع الشئون تشوف واحده صاحبتك
هيا زي الباشا مش بتقف ع الشباك .. تلف وتدخل من الباب وكله يخلص يا برنجي
انما انته لو فكرت تدخله من الباب تسمع احلي كلام وعجبي
ولا في المواصلات مثلا تلاقي السواقين معدوش بيقفوا غير للبنات
يعني افهم مش شيفنا مثلا ولا ايه ؟؟ وبرضه عجبي
اتخانقت مع معيد ومريش ياخد الشيت بتاعي واحده معايا في الكورس ادتهوله خده
يا عمنا انته افهم بس هتزيد ايه لما تاخده منها مش مني وبرضه عجبي
بلد مزز صحيح
نورتني يا بوكااااااااااا
سلااااااااااااحف

تغيب تغيب وترجعلنا بمواضيع تجنن ياطايش

ا
لسلام عليكم ورحمة الله وبركاته
بالنسبة لموضووع الرشوة والواسطة ده حصل قدام عينى والله
وانا كنت ضحية من ضحايا النظام ده لانى برضه كنت فاهمة
ان الحكاية شفافية وكمان حسب المجهود طلعت بطييييييخ خالص
اما بالنسبة لموضوع المزز ده خايفة اقول رائى تقولوا يبقى انتى اكيد مش مزة
ههههههههههههههههههههههههههه وربنا ضحكتنونى جدا
بس فعلا الحياة مش سهلة وبمبى للبنات كده زى ماانتوا فاهمين
اه فعلا يامحمد انا كنت بلف لمكاتب الشؤن من الباب ومكنتش بقف على الشباك
ههههههههههههههههههههه
بس برضه مش قاعدة يعنى مفروض بالعقل يعنى مفروض فعلا البنات تخلص الاول
فى المصالح الحكومية بس مش عشان شئ عشان هى بنت وصعب عليها الموضوع تتقف بطابور فيه رجالة ولوقت كبيروصعب تعلى صوتها زيكم انتوا الشباب وكمان فى المواصلات يعنى
والله انا شفت كتير الشباب بينطوا فى العربيات ويسيبوا البنات على الارض وكمان بيزوقوهم
لدرجة ان ده بيحصل فى موقفنا بعبود يامحمد بالليل والوقت متاخر وبنات لوحدها
وعلى فكرة كون البنت بنت بيخليها تتعرض لمضايقات كتير سواء لو بتخلص ورق او تتزاحم
فااحنا طبعا بنشوف فيكم المرؤة الشبابية والشهامة والنبل والاخلاق الرفيعة انكم بتتنزلوا شوية عشانا وصدقنى بتتردلكم مع اخواتكم وزوجاتكم وبناتكم مستقبلا
ومن قدم خير بيداه التقاه وهنيالك يافاعل الخير والثواب
وتسلم على الموضوع يارب

موضوع: رد: ليه مكنتش مزة السبت مارس 06, 2010 5:24 am

ايه ده ياواااااااادي هههههههههه ده انت هتترحل على المعتقل يابني من بكرة
ياخووووووووفي ليكونو خادوك اساسا ههههههههههههه
خلاص بلاش نجيب في سيرة الميتين بقى
نقرا الفاااااااااااااااتحة يانااااااااااااااااااس
مش نطق الشهادتين يبقى اخوكم ههههههههههههههه

بس بجد ربنا يستر ومجربش الحاجات الوحشة دي اللي في الموضوع .. ياخرااااشي بلاها شغل خااااااااااااااااالص

بس في المواصلات ده انا بدعي على الشباب دعا من القللللللللللللللللللب
مفيش دم يعني يزقونا كده ويزاحمونا بدل ما واحد كده يبقى جينتل ويركبنا الاول
اقووووووول ايييييييه حسبي الله ونعم الوكيل
بس لأ الصراحة مطلوبة فيه مرة واحد حجزلي جنبه وطلع في الاخر عاوز يتقدملي ههههههههههههههههه
ومن بعدها حرمت .. الاقي عند العربية زحمة يا اما اتزحم وامسك الدبابيس في ايدي ههههههههههه يا اما استنى لما الموقف كله يركب واتسحر فيه وبعد كده اروح بيتنا على الفجر
والله الواحد زهق وفكرتني باللي هيحصل من بكرررررة معايا
ربنا يعدي الترم على خير بقى واخلص من كل حاجة وبعدها ابقى اجرب الكوسه والبطيخ في الشغل ده لو بقى فيه شغل يعني

زائر

سهيلة كتب:: تغيب تغيب وترجعلنا بمواضيع تجنن ياطايش

نورتيني كتير سهيله
ميرسي علي مرورك اللي نور التوبيك

زائر

قبل ما ارد اقسم بالله مجرد ما شوفت ردك عنيه دمعت من كتر الضحك مش تريقه وربنا
بس اكيد انتي هتفهمي من ردي كنت بضحك علي ايه

اقتباس :

وعليكم السلام .. اتفضلي شاي قهوه انتي تأمر وفي ربع كوبايه لبن برضه ( اسمايل ميت من الضحك )

اقتباس :

يا بنتي ده بيحصل قدام عنين البلد كلها وعجبي !!!

اقتباس :

ما انا قولتلك ان الدنيا ماشيه تظبيط وانتي اللي مكنتيش مصدقه .. وجيبي حته بطيخ وبطلي بخل

اقتباس :

والله محدش عارف مين اللي ضحك مين .. يخربيت فقرك بجد هو انتي لسه خايف مه اللي افتكر افتكر وخلاص اسمايل بيطلع لسانه .. بهزر والنبي .. شكلي هتعلق علي باب المنتدي ربنا يستر

اقتباس :

والله بيتهيألك اقسم بالله الحياه معاك بمبي ع الاخر

اقتباس :

وتقوليلي مش بمبي واحنا نقف ع الشباك وافضل اتخانق مع بتوع الشئون ومش بعيد اشتم فيهم ولو مسكت حد فيهم ممكن اضربه كمان بيحسسوني انهم بيعملوا بهايم قطيعه تقطعهم

اقتباس :

يا صلاه النبي .. تفضلوا تقولوا مساواه مساواه وفي اهيف حاجه تقولوا مفروض ومش مفروض يلا من هنا يا بت اسمايل بيطلع لسانه

اقتباس :

بس مش عشان شئ عشان هى بنت وصعب عليها الموضوع تتقف بطابور فيه رجالة ولوقت كبيروصعب تعلى صوتها زيكم انتوا الشباب

مش تخافي هنعملكم صف لوحدكم بس بطلوا تلاكيك

اقتباس :

وانا شوفت كده قدام عيني بصراحه .. بس العيب عيب نظام .. وانا في كايرو في العباسيه .. موقف مكروباسات حلوان اقسم بالله يا علياء الناس بتركب بالدور نظام صف وحاجه نظام ومفيش بهدله وشكلهم كان يموت من الضحك .. وثانيا هيا بلدكم دي بلد
قال عبود قال اسمايل برضه بيطلع لسانه ههههه

اقتباس :

ازاي يعني تقصدي ان اللي بيخلصلكم الورق بيخنق عليكوا ؟؟؟

اقتباس :

فااحنا طبعا بنشوف فيكم المرؤة الشبابية والشهامة والنبل والاخلاق الرفيعة انكم بتتنزلوا شوية عشانا

ده انتوا علي كده عايزين نظارات يا بنتي الكلام ده انتهي في 73 خلاص شطبنا هههههههههههههههههه
وبجد حاجه تخنق لان كل مادي وبحس ان معدش فيه رجاله

اقتباس :

طبعا .. واللي يفهم كده اكيد هيعمل الصح وهيخاف علي اي بنت علي انها اخته

اقتباس :

ينهار اسوح انتي بتشحتي يا بنتي من غيري ينفع يعني ههههههههههههههههه طيب تقوليلي عشان نسرح سوا ههههههههههههه

اقتباس :

الله يسلمك يا علياء يا ... ولا بلاش لحسن تقتليني
ههههههههههه مه انا كده كده شكلي هاخد علي نفوخي
ربنا يستر
وكله هزار والنبي والنبي
نورتيني كتتتتير يا علياء
سلاااحف

هههههههههههههههههههههههه انا قريت الموضوع اكتر من مرة ولازم اكتب تعليق
بس بصراحة حاقول بالحبر السري بقى ............................................. و علنا حاقول
بدون تعليق

زائر

اقتباس :

ايه ده ياواااااااادي هههههههههه ده انت هتترحل على المعتقل يابني من بكرة

معتقل سعد سعد يحيا سعد الا صحيح هو منين بيودي علي فين

اقتباس :

ياخووووووووفي ليكونو خادوك اساسا ههههههههههههه

مش تقلقي اللي بياخد ربنا اسمايل بيطلع لسانه

اقتباس :

خلاص بلاش نجيب في سيرة الميتين بقى
نقرا الفاااااااااااااااتحة يانااااااااااااااااااس
مش نطق الشهادتين يبقى اخوكم ههههههههههههههه

هو مين مات عشان ادعيله دعوتين حلوين مع الفاتحه كده

اقتباس :

بس بجد ربنا يستر ومجربش الحاجات الوحشة دي اللي في الموضوع .. ياخرااااشي بلاها شغل خااااااااااااااااالص

ايون الله ينور عليكي انتوا تقعدوا في البيت لحد ما الشباب اللي زي الورد ده يلاقي شغل وانتوا
تبقوا تفكروا في موضوع الشغل دهون والنبي كلام ميه ميه

اقتباس :

بس في المواصلات ده انا بدعي على الشباب دعا من القللللللللللللللللللب

ادعي وانا هقول وراكي امين لانهم شويه عيال .. والله كل مادي والاجيال تلاقي النخوه ماتت عندهم .. ربنا يستر

اقتباس :

مفيش دم يعني يزقونا كده ويزاحمونا بدل ما واحد كده يبقى جينتل ويركبنا الاول

جركن مين بس ههههههههههههههه معدشي للاسف والله العيب ان اغلب الشباب بعاد عن ربنا
ربنا يهدي شبابنا

اقتباس :

اقووووووول ايييييييه حسبي الله ونعم الوكيل

احسن قوووله

اقتباس :

بس لأ الصراحة مطلوبة فيه مرة واحد حجزلي جنبه وطلع في الاخر عاوز يتقدملي ههههههههههههههههه

طيب مقصده شريف اهون ..

اقتباس :

ومن
بعدها حرمت .. الاقي عند العربية زحمة يا اما اتزحم وامسك الدبابيس في
ايدي ههههههههههه

ينهار الوان فوحلقي .. وربنا حرام عليكوا تفكير شيطاني من الاخر .. بس فوكيره ميه ميه
ده انا هنصح بيها ناس كتير .. وربنا هكسب فيهم ثواب بفكرتك دهين .. بجد اصلي

اقتباس :

يا اما استنى لما الموقف كله يركب واتسحر فيه وبعد كده
اروح بيتنا على الفجر

ههههههههههههههههههههههه كنتي هتنسي .. ايه تتسحري وتصلي الفجر كده من غير ما تاخدي تسيقي الموقف وده ينفع برضه اسمايل بيطلع لسانه

اقتباس :

والله الواحد زهق وفكرتني باللي هيحصل من بكرررررة معايا

لا طول ما معاكي دبابيس ربك هيسهلها معاكي ع الاخر هههههههههههههههههه

اقتباس :

ربنا يعدي الترم على خير بقى واخلص من كل حاجة وبعدها ابقى اجرب الكوسه والبطيخ في الشغل ده لو بقى فيه شغل يعني

عارفه جملة سعد باشا اللي بيقول فيها مفيش فايده .. انا كنت فاكر الدنيا بمبي وكنت اسمع من ناس مخلصه واقول ده كلام بس خلصت وعرفت انه مش كلام

نورتيني كتتتتتتير احلي حيااة

زائر

اقتباس :: هههههههههههههههههههههههه انا قريت الموضوع اكتر من مرة ولازم اكتب تعليق
بس بصراحة حاقول بالحبر السري بقى ............................................. و علنا حاقول
بدون تعليق

طب قولي بس بالسري بالشفرة انا شغااااااااال وهترجم مش تقلقي
وفعلا نو كومنت
نورتيني ونورتي التوبيك
حنان

السلام عليكم ورحمه الله وبركاته
موضوعك جميل اوى ياوداااااوى
بس بصراحة بقا
الموضوع مش عارم لكل الناس
يعنى انا واحدة من الناس كتييييييييييييييييير اتمنيت لو كنت ولد
كانت هاتحرك بحركة فى الخروج والدخول مش معنى كدا ان حد مضيقها عليا ولا حاجة لا أقصد ان الولد بطبيعته يقدر يتحرك من غير مايتخاف عليه لو اتاخر شوية وكمان لو له مصلحة تضطره انه هيتأخر عادى لو استنى شوية وخلص مصحتى انما البنت ياعينى لازم تروح وتيجى تانى يوم من بدرى ولو مالهاش حد من الناس اياها يبقا هتروح وتيجى كل يوم وف الاخر برضة مش هتخلص مصلحتها هههههههه
وكمان زحام العربيات بجد دى اكتر حاجة خلتنى اتمنيت انى اكون ولد لان الشباب كانو بيركب واحد ف الاول يحجز العربية كلها لصحابة من الولاد والبنات واللى طبعا مالهاش حد زى حالى كدا مش لازم تروح تتعلم
ههههههههههه

بجد معاناه كبيرة جدا انتو مش تحسوها لان مااتحطيتوش ف المكان دا
وحتى لو فرضنا ان زى ماانت قلت ودا بيحصل فعلا ان موظف يخلص للبنت أوراقها الأول هى نفسها بتكون حاسة ان كل الناس شايفاها حد مش كويس عشان كدا هو خلص حاجتها الأول رغم ان مالهاش اى ذنب ف كل دا
بجد بجد أنا بحترم اوى اى واحد يقوم لواحدة ست يقعدها مكانة أو يخلص لها ورقها خصوصا لو كانت الست دى كبيرة ومش هتقدر تعمل دا بنفسها بس دا طبعا نادر جدا لما بيحصل الا ما رحم ربى

زائر

اقتباس :

السلام عليكم ورحمه
الله وبركاته

وعليكم السلام .. شاي قهوه ها أمري بس

اقتباس :

موضوعك جميل اوى ياوداااااوى

ربنا يكرمك يارب

اقتباس :

بس بصراحة بقا

ها ؟؟؟

اقتباس :

الموضوع
مش عارم لكل الناس

ازاي يعني ؟؟ امممممممم مش فاهم قصدك نكمل ينكن نفهم

اقتباس :

يعنى انا واحدة من
الناس كتييييييييييييييييير اتمنيت لو كنت ولد

ليه بس كده هههههههه .. عموما ليس كل ما يتمناه المرء يدركه .. فالحمد لله علي كل حاجه

اقتباس :

كانت هاتحرك بحركة فى
الخروج والدخول مش معنى كدا ان حد مضيقها عليا ولا حاجة لا أقصد ان الولد
بطبيعته يقدر يتحرك من غير مايتخاف عليه لو اتاخر شوية وكمان لو له مصلحة
تضطره انه هيتأخر عادى لو استنى شوية وخلص مصحتى انما البنت ياعينى لازم
تروح وتيجى تانى يوم من بدرى ولو مالهاش حد من الناس اياها يبقا هتروح
وتيجى كل يوم وف الاخر برضة مش هتخلص مصلحتها هههههههه

معاكي حق في النقطه دي .. انما حوار مش هتخلص مصلحتها صدقيني وتأكدي ان مصلحتها هتنقضي وهتكون في بيتهم قبل الظهر كمان وميت فل وعشره

اقتباس :

وكمان زحام العربيات
بجد دى اكتر حاجة خلتنى اتمنيت انى اكون ولد لان الشباب كانو بيركب واحد ف
الاول يحجز العربية كلها لصحابة من الولاد والبنات واللى طبعا مالهاش حد زى
حالى كدا مش لازم تروح تتعلم
ههههههههههه

انا معاكوا في النقطه دي لان بجد الشباب زودوها ع الاخر في الموصلات .. زي حالك ايه بس اعملي زي احلي حياة وشغلي الدبابيس

اقتباس :

بجد معاناه كبيرة جدا
انتو مش تحسوها لان مااتحطيتوش ف المكان دا
وحتى لو فرضنا ان زى ماانت
قلت ودا بيحصل فعلا ان موظف يخلص للبنت أوراقها الأول هى نفسها بتكون حاسة
ان كل الناس شايفاها حد مش كويس عشان كدا هو خلص حاجتها الأول رغم ان
مالهاش اى ذنب ف كل دا

معاناة ايه يعني ؟؟ المواصلات ولا ايه .. يلا نفترض ده احنا هنخترع نظريات ان شاء الله
تفتكري حد بيفكر انها حد مش كويس او تفتكري هيا بتبقي حاسه ان الناس شيفاها حد مش كويس لو انتي تفتكري انا بصراحه مفتكرش ابتا ابتا

اقتباس :

بجد بجد أنا بحترم
اوى اى واحد يقوم لواحدة ست يقعدها مكانة أو يخلص لها ورقها خصوصا لو كانت
الست دى كبيرة ومش هتقدر تعمل دا بنفسها بس دا طبعا نادر جدا لما بيحصل الا
ما رحم ربى

الا من رحم ربي .. اااه لو واحد جبار زيي يمسك البلد وربنا كنت ظبطتها يلا ملحوقه

نورتيني كتتتير ابنه
سلانكتية