ahla hyah ... تحت كرسي الاعتراف

تذكير بمساهمة فاتح الموضوع :

السلام عليكم ورحمه الله وبركاته

نحن في استضافه شخصيه لامعه في المنتدى شخصيه اتصفت

بالقلب الحنين والرقيق شخصيه تدعي بالخير لكل واحد

وتسال على كل واحد لو غاب

لها رومانسيه خاصه ولها من المواضيع المفيده والجميله والذواقه

يحبها كل الاعضاء وتحب كل الاعضاء

اخت عزيزة الله يحفظها لنا

هي المشرفه العامه

ahla hyah

اتمنى لها اقامه ممتعه معانا

راجع لك ahla hyah

بالاسئله

تحياتي

نمر الرافدين

قول كلمه لاي حد انت عايزة ؟
اقول للانسان اللي في بالي .. بجد بجد بجد بجد بجد
متشـــــــــــــكرة جــــــــــــــدا

ممكن تعتزري بسهوله ولا لا؟
لو اتاكدت فعلا من غلطي بعتذر بإسلوب لطيف ولو نفع مقولش كلمة آسفة بعملها
لكن لو حد عزيز عليا مقدرش اسحب كلمة أسف

عمرك جرحتي حد قبل كدا وليه؟
لغاية قريب كنت فاكرة اني اتسببت في جرح حد ومش هبالغ لو قولتلك اني كنت شايلة ذنبه في قلبي لكن قدرا أتأكد ان مفيش أي أي أي أي جرح عنده من ناحيتي وده دلوقتي مخليني مرتاحة جدا جدا جدا جدا

ايه الحاجه اللي مش تقدر تستغني عنها في حياتك؟
الحب ... والرضا

لو كسبتي رحله للفضاء والمفروض تاخدي شخص واحد بس معاكي؟حتاخدي مين؟
ههههههههههههههه كده انت بتتكلم في السياسة على رأي فوفو

مين احسن بالنسبالك اصدقاء الجامعه ولا اصدقاء المدرسه؟
اهو الواحد قضى 4 سنين وخلاص بيقول ياوداع وعمري ما هقابل حد زي اصحابي من ايام المدرسة والحمد لله ربنا يكرمنا ونفضل سواعلى طول ع الرغم ان كل واحدة فينا في جامعة شكل

لو الناس كلها حتسمعك دلوقتي تحبي تقولي ايه بصوت عالي؟
حسبي الله ونعم الوكيل

ايه اكتر مكان بتحبيه في شقتك؟
أوضتي

ايه اللي نفسك يتغير في البلد دي؟؟
البلد دي

اول ما تصحي من النوم بتعملي اييييييييه؟؟؟؟
بنزل من ع السرير هههههههههههههههه والبس البشبش عندك أي اعترااااااااض

ايه رايئك في الاعضاء في المنتدي؟؟
عمري ما هلاقي جو زي جو المنتدى ده ولا اخوات زيكو ابدا ابدا ابدا

خفتي قبل كده اكييييييد ؟؟؟ طب من ايييييييه؟
يوووووووووووووووه العدد في اللمون ياوادي
الواحد بيخاف من خياله لدرجة ان ابويا كان بيجي ينام معايا اوقات كتير من كتر الكوابيس بعيد عنكو يعني هههههههههههه

لو خيروك بين مال الدنيا وحبيبك تختار ايه؟ مش طالبة دبلوماسيه عايز رد يقنعني
احم احم حاااااااضر من غير دبولوماسية خالص خالص خالص
الاختيار بالقلب والعقل واحد وهيكون اختياري لحبيبي
بالقلب لانه الحياة بالنسبة لي
وبالعقل لان البنت اما تحب بجد بتكون راضية ولو الشاب حب بجد بيكون نفسه يجيب نجوم السما للانسانة دي
كده جاوبتك بالعقل والقلب عشان متنكرش

بتقدري تسامحي ولو بتقدري بنسبه اد ايه؟
مش أي حاجة نتسامح فيها ولا مع أي حد
لو حد قريب مني اكيد التسمح بيكون موجود ومش بنفتكر أي حاجة بعدها
لكن لو حد غريب والغلطة كبيرة مهما نسامح بنفتكرها وبتكون في قلوبنا لمدة طويلة

بتفكري فى ايه قبل ما تنامي ؟ بدأت اسئله العبط صح هههههه
هههههههههه بصراحة بصراحة بصراحة ..... ولا بلاش خلينا حبايب
بفكر هعمل غدا ايه بكرة هههههههههههههه

ايه اكتر حاجة بتستفزك؟
ان اللي قدامي يكون عارف اني مخنوقة مع ذلك يستعبط في الكلام معايا ولا كإن فيه حاجة يعني

ايه رايك في التطبيع؟
مرفوض مرفوض مرفوض ياولدي

ايه رايك في العولمة؟
سلاح ذو حدين وربنا يسترها بقى معانا

لو مكنتيش مصريه كنتي تتمني تكوني ايه؟
فلسطينية او عراقية اهو الواحد يموت شهيد

ايه اكتر خناقه حصلتلك مش ممكن تنسيها؟
خناقة .. وحصلتلك ... كده كتييييير
يعني تيجي ازاي مع بنوتة رقيقة كده ... هههههههههههههه

ايه اللي بتفكري فيه ناو؟
اني لو اعرف مكانك اجي اقتلك عشان مفيش غيرك مدوخني

كـلمـــة قولتيها لحد وبتتمنى انك تسحبيها؟!؟
كلمة آسفة ودمعة نزلتها بسبب الموقف ده

آخـــر شخـــص بتفتكريه قبـــل النوم ؟!؟
مش بقولك بتتكلم في السياسة كتير هههههههههههههه

جــريمــة تتمنـــي لـــو تستطيـــعي ارتكابهــــا؟!؟
اني اسرق البنك المركزي واوزع فلوسه ع الدول ونتفقر كلنا مرة واحدة عشان يبقى الكل سواسية ونموت من الجوع في الاخر

شخـــصية بتحلمي انك تقابليها؟!؟
الشيخ الزغبي

دمـعـــه ماقدرتيش ماتنزليهاش؟!؟
يوم ندمي على اللي فات وقتها بس معرفتش احبس دموعي لانها ندم على حاجة فاتت وفرحة باللي جاي

مـوقـــف صــدمــك ولــن تنســــيه ؟!؟
موقفين ويمكن قريبين جداا لكن الحمد لله قررت انساهم لان اصحابهم ميستحقوش اني افتكر أي حاجة ليهم

شـخــص تتمنــي الإنتقــام منـــه؟!؟
اكيد مش انت ههههههههههههه
ممكن اعفو عنك .. خلاص خلاص متتحايلش كده ههههههههههههههه

حاجة حصلتلك مش قادره تسامحي اللى عملها فيكي؟!؟
لازم اجاوب يعني اجباري ولا اييييييييه
حاجة حصلت ويمكن مش قادرة اسامح لاني متوقعتهاش من الشخص ده

شــئ او شخــص غيــّر مجــري حياتـــك؟!؟
ركعتين يوم الاثنين 28_12_2009

حلم لا تستطيـــعي تحقيقه؟!؟
معييش فلوس اشتري عربية ... لو جدع بقى هات الفلوس واعمل فيها جدع هههههههههههههههه ده الاخوات لبعضيها ياوااااااااادي

كلمة تحبي انك تسمعيها كل يوم؟!؟
تصبحي على رضا الرحمن ورؤية الرسول عليه الصلاة والسلام في المنام

القمر-الشمس-النجوم...........بتفضلي ايه فيهم والسبب؟!؟
القمر .. لانه بيونس ليل السهرانين ههههههههههههههههه

بتصلى ولا لأ ومنتظمه ولا لأ...؟
حد قالك ياخويا اني نصرانية هههههههههههههه
الحمد لله الصلاة على اوقاتها احيانا .. مش كتير بأخرها والله ههههههههههههههه بس متتخدعش

ناويه علي ايه بعد الكلية؟
آخد الشهادة ههههههههههههه

انتي صريحه مع نفسك ؟
ده انا زهقت منها .. تبدل معايا ينوبك فيا ثواب

بتلومي نفسك كتير ؟
جدااااااااااااااااااااااااااااااااااااااااااااااااااااااا

عارفه ايه هي عيوبك ومميزاتك؟ طبعا .. قللنا حبه فيهم كده؟
من العيوب : اوقات بكون عصبية ولو ادايقت من حاجة بتدايق بعدها على كله
مميزات بقى انتو اللي تقدروا تجاوبوني عليها وكده يبقى تاني سؤال لازم تجاوبوني عليهم في الاخر اوووووووكيييييييشن

ايه اغرب شئ بتعمليه وانتى مستغربه نفسك ؟؟ متقوليش مفيش لازم الاقي اجابة
ياسلااااااااااااااام ايه الثقة دي يا استاذ
اني بقيت اسمع الكلام

كنتى تحبى تفضلى فى زمنا ده ولا اى زمن تانى؟ولو زمن تانى اى زمن؟
كان نفسي اكون على ايام الرسول عليه الصلاة والسلام بس والله اوقات لما اقول كده اخاف مكونش معاه صلى الله عليه وسلم من المؤمنين بيه

ايه اكتر صوت بتحبى تصحى وتنامى عليه؟
صوت العجمي

حلم بيتكرر معاكي .. احكيلنا مضمونه ؟؟
هوا ياريته ياخويا يكون حلم انما ده كابووووووووووووووس
مضمونة اني لازم اخد بالي من نفسي جدااااااااااااااااااااا وممشيش لوحدي خالص خالص خالص خالص خالص خالص خالص خالص خالص خالص خالص

مين معانا في المنتدي بتحسي انك تعرفيه من غير ما تشوفيه ؟
فوفو

دعاء نفسك تدعيه لنفسك ايه هو وليه ؟
اللهم ارزقني خيري متاع الدنيا والآخرة وارزقني الفردوس الأعلى بغير حساب ولا سابقة عذاب

ليه .. عشان بحس انه شامل الدنيا والاخرة سوا

اسالي نفسك سوال وجاوبي علية؟
من قلة الاسئلة يعني ... ع العموم هريحك
مين اللي قاعد جنبك وانتي بتجاوبي ؟
بنت عمتي ربنا يخليييييييييييييييييييييييييييهالي يارب
بتسلم عليكو كتيييييييييييييير

ماذا تعني لك الحريه الشخصيه؟
اكبر مسئولية ممكن أي حد يشيلها

انظلمت في حياتك قبل كدا ؟ ازاى؟
بيني وبينك كده مش فاكرة .. وبعدين كله من عند ربنا والقدر بيكون أحن حاجة علينا في الوقت ده

مين بتحبي تقريله بالمنتدي ؟؟ وليه ؟؟
نمر الرافدين .. موضوعاته ما شاء الله عليها سواء بتكون فيها راي او معلومة ولو فكاهية بتكون جميلة جدا
حنان ... موضوعاتها لا تخلو من الفايدة ابدا ابدا ابدا

لو واجهتي موقف صعب مره ومش لاقيه حل تعملي ايه ؟
بقول يـــــــــــارب وكلتك امري فلا تخزلني

وأنت تسير في طريقك رأيت أمامك فجأة إنسانا انتزعته الأيام من عينيك وعجزت أن تنتزعه من قلبك فكيف تتصرف ؟
لو نفس الاحساس متبادل مش هتأخر لحظة اني اجري عليه لكن لو من ناحيتي بس همشي لكن هيتقلب عليا مواجع الدنيا بعدها

أمنية خذلتك بها الأيام وأخرى تتمنى إلا تخذلك بها ؟
_________________

لو لم تكن أنت فمن تتمنى أن تكون ؟
انا

(( هل الصمت هو دليل للعذاب في داخل النفس المعذبه
أم هو الضعف وعدم القدره على البوح بمكنون النفس ))
هقول تاني المقولة اللي فعلا مقتنعة فيها جداااا
" صمتي لا يعني ابدا جهلي .. ولكن ما حولي لا يستحق الكلام "

ضمن من تصنفي نفسك .. سلبيه ام ايجابيه ؟
كوكتييييييييييييييييل

اذا طلب منك تبليغ قريب لك ان شخص عزيز علية قد توفي لا سمح اللة . ماذا يكون رد فعلك وكيف يبلغة ؟
انا لله وانا اليه راجعون وهحاول اذكره وقتها بالدعاء .. اللهم اجرني في مصيبتي واخلف لي خيرا منها

في اي مرحله من عمرك تفضل ان تعيش؟
الطفولة ثم الطفولة ثم الطفولة

بتعملي ايه في حياتك ؟؟ في حاجه مفيده بتعمليها يعني ؟؟
انت مالك شاكك اوي ليه كده ...
الحمد لله كفاية اني عايشة ف الدنيا .. هي دي مش افيد حاجة يعني

غرقت في بحر الذكريات ماهي الذكرى التي لا تنساها ابداً ..؟
ياااااااااااااريييييييييييييت الواحد كان يلاقي ذكرى حلوة كان افتكرها لكن كل ذكرى حلوة اخرها عذاااااااااااااااااااااب بعيد عنك

كيـف تواجـهى الانكسـارات بالحيـاة او الازمـات ؟
اني مقفش عندها ابدا
كتر الازمات بيحول الانسان وبيخليه قادر انه يتحدى أي حاجة
زي الحجر اللي من كتر التحولات اللي بتجراله بيتحول في النهاية الى مـــــــــــاس

تكلموا الناس عن الحريه والحقوق للمرأه كثيراً والكل يعرف ان حريتها وحقوقها في ومع
الاسلام ,,السؤال برائيك ماهو الامر الذي تحتاجه المرأه وليس موجوداً وتتمنى ان يكون موجودآ لديها
وتنادي به ؟؟
قول المولى عز وجل
{ وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً } [الأحزاب:33]
صدق الله العظيم

هل أنتى صاحبة إرادة قوية ؟؟ ولماذا ؟؟
ساعات بلاقيها وساعات بتغيب عني

صفحة من حياتك تودي طيها وللأبد ؟
كل اللي فات من عمري لغاية يوم 28_12_2009

ماهي الصفه الموجوده في شخصيتك
وإلى الأن لم يكتشفها أحد ولماذا ؟
مش غامضة بالدرجة دي يعني .. NOTHING

ما هي الايه التي ادمعت عينيك ؟
بسم الله الرحمن الرحيم

"قُلْ هَلْ نُنَبِّئُكُمْ بِالْأَخْسَرِينَ أَعْمَالًا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (104)" صدق الله العظيم .. الكهف

يقال أن الحب يمحو جميع العيوب والأخطاء في المحبوب (( ما تعليقك )) ... ؟
مراية الحب عامية وده اكبر غلط لان الحب بيكون اختيار من القلب بس
لكن لو حب من القلب والعقل بتشوف العيوب طبيعي وبتقدر تغيرها كمان وبسهولة جدا جدا

لماذا نحن العرب شعوب غارقون في العواطف ونميل لأجواء الحزن؟
عشان مش عندنا غير الحزن عشان نعيش فيه

من علمتهِ الرماية فرماك ... ؟
اعتزلت التدريس من زماااااااااااااااان ههههههههههههه

لا بجد معتقدش انها حصلت

هل تحبي السفر ؟ وفين تحبي تسافر ؟ ومن تحبي ان يكون معك بالسفر .. وليه ؟
احبه لو لمكان جديد عني .. اسبانيا .. مع اقرب الناس ليا .. لاني مش هحتاج أي حاجة تانية

تخيّـلي إنك رائدة فضاء .. فإلى أي الكواكب تتجهي ؟ ومن تاخذي معك إلى هناك ؟
هروح كوكب بلوتو وهاخد معايا أي حد عاوزة اقتله عشان ارميه هناك واجي واسيبه

لمـــــاذا سؤال المراة عن عمرها من قبل الرجل يعتبر مغامرة لا تحمد عقباها ؟
ههههههه شكلك مجرب
عشان لو عندها 40 هتقول 14 ههههههههههههههههههههه

الانطواء يكون حاجز بين الشخص المنطوي وبين الناس من حوله فلماذا ؟
لان الانسان بيبان في اوله من كلامه وبعدها من المواقف

وهنا بقي اخر سؤال ليا النهارده ( يعني هرجع تاني ) امسكي كل الاعضاء النشطين معانا
وقولي رأيك فيهم وبكل صراااحه ؟؟
الاتهام ده اتهمته قبل كده ياحضرة المفتش ولله الحمد اخدت برااااااااااااااءة

يلا كام سؤال اهون
جاوووبي عليهم وراجع تاني
يلا سلانكتيه

اوعى تييييييييييجي هنا تاني

مسموحه اختي احلى حياه

ونورتي الكرسي بعد غياب

المهم مادام صوتك الرابع وانا جايه

اضيف اليوم صوت سهيله حبييتي رايها

من راي صرنا خمسه يلا كذا باقي كم صوت

وخلاص تثبت التهمه على خوينآ الغالي حسنين ‘‘

وقبل كل شي بناخذ الاذن من اخوي محمد بدر ,,~

وانتآسف اختي اننا خلينا صفحه

كرسيك شآت بالموضوع هذآ

اسمحيلنا بس نخلص الموضوع نحذف كل

مشاركتنا وحوارتنا هذي ان شالله

منتظرين طلتك غلاتي ,,~

زائر

حلو اوي الاجابات اللي كلها هزار
وماله .. نجيب تااااني احنا ورانا ايه
يلا هطير وراجع اكمل ال 100 سؤال
سلااااااااااااااحف

هو في ايه

ahla hyah ... تحت كرسي الاعتراف - صفحة 4 741505

اصوات وانتخابات ومدري ايش

الي بالي بالكم ميفعش العبوا غيرها

هههههههههههههههههههههههههه

هههههههههههههههههههه نونونونو يانمر
انت وقعت ومحدش سمى عليك ياخوووووووويا
ده كله عاوز ينتقم من اول وجديد هههههههههههههههه
استلقى وعدك بقى
اللي عملته فينا بط بط هيطلع عليك وز وز هههههههههههههه

السلام عليكم ورحمه الله وبركاته

الأول الحمد لله النت اشتغل عندى كويس وهقدر اشارك معاكم فى الكرسى

بس حبيت الأول انهى موضوع النقاش الخاص بفتح حلقات كرسى الأقتراح من جديد

ويكون هناك ترشيحات ايضا مرة تانيه

احلا حياه

انتظرى اسئلتى

ليييييييييه يابشمهندس بس كده

والله كفاية تهنيني اني لسه عايشة ههههههههههه
دول دوخووووووووووووووووووووووووني وبالذات وادي
اوعى تكون زيه ..

السلام عليكم ورحمه الله وبركاته

اذيك يا احلا حياه الحمد لله لحقتك وانتى قاعده لسه على كرسى الأعتراف

ومصدقت النت اتظبط عندى عشان اضيف اسئلتى

متقلقيش هما حاجه بسيط خالص حتى اسئلى مصريه للأبد

نبدء الأسئله عشان تلحقى تجاوبى عليها

يلا بسم الله

1 - انتي الاول ليه اخترتي المنتدى بتاعنا ؟

2 - ايه اكتر حاجة عملتيها فى حياتك وندمتي عليها ؟؟

3 - حاسه ان الحياة ماشية زى ما انتي عايزه ولا لا ؟؟

4 - حاسس ان شخصيتك قوية ولا لا ومستهتره ولالا وثقتك بنفسك اد ايه ؟؟

5 - ايه اكتر موقف محرج حصلك واتصرفتي فيه ازاى ؟؟

6 - عدد اخواتك وترتيبك فيهم وشخصيتك فى البيت عامله ازاى ؟؟

7 - اول حب فى حياتك كان امتى ؟؟

8 - ايه رايك فى علااقة البنت بالولد كما نقول بالصداقة ؟؟

9 - انتي مين اقربلك بابا ولا حد من اخواتك ؟؟

10 - مين اعز اصحابك ؟ من البنات والولاد ؟

11 - اعز شخصيه بالمنتدى لكي ؟ بنت ؟؟

12 - عضو تتابعي دااااائما ردوده و مواضيعه ؟

13 - اقرب شخص لكي باالمنتدى ؟ ولد ؟؟

14 - انتي بتؤمني بالحب من اول نظره ؟

15 - فى رايك انتي ماهى حدود علاقه البنت بالولد ؟ ايزى يعنى ولا ايه ؟ زى ما سمعتى فى الخطبة ؟؟

16 - انتي جربتي الحب ؟

17 - ايه اصعب موقف حصلك فى حياتك ؟

18 - اتغلبتي عليه ازاااااااااى ؟

19 - مين فارس احلامك الى انتي بتحلمي بيه ؟

20- مين الى انتي بتكرهيه موت ومسود عيشتك ؟

21 - مين صاحبك اوى الى انتي بتعزيه ؟

22 - متى تشعري انكي فخوره بنفسك ؟

23 - متى تشعري انك ضعيفه ؟

24 - ومتى يغضب احلا حياه ؟

25 - سالتي نفسك فى يوم انتي مين وعايش ليه وعاوز تعملي ايه فى حياتك ؟

26 - أسألي نفسك أي سؤال لم يسألك أحد أياه وجاوبيني عليه ؟

27 - عندك كام أخ واخت ؟ و هما عاملين دوشة ولا عادى كدة ؟ و يا ترى حلوين ولا...... ؟؟

28 - ترتيبك الكام فى اخواتك ؟

29 - أكتر موضوع عجبك فى المنتدى ؟

30 - أكتر عضو بيعجبك مواضيعه ؟ أكتر قسم بتدخليه فى المنتدى ؟ و ليه ؟

31 - موضوع انتي كتبتيه و حاسه بسعادة كبيرة انك كتبتيه ؟؟

32 - موضوع كتبتيه و ندمتي عليه ؟؟

33 - ايه الموضوع اللى لما قرأتيه قلتي أنا كان نفسى أكون أنا اللى كتبت الموضوع ده ؟

34 - ايه أكتر موضوع أثر فيكي ؟

35 - أحلى رد كتبتيه على موضوع كان ايه مضمون الرد ؟ و كان على أنهى موضوع ؟

36 - أكلتك المفضلة ؟

37 - مشروبك المفضل ؟

38 - سندوتشك المفضل ؟

39 - قناتك المفضلة ؟

40 - برنامجك المفضل ؟

41 - أكتر عالم أو داعية بتحب تسمعيله ؟

42 - أكتر كتاب قرأته وعجبك ؟

43 - هوايتك المفضلة ؟

44 - أول حاجة بتعمليها لما تقومي من النوم ؟

45 - أقرب الناس ليكي من العائلة ؟

46 - أمنية خاصة بيكي انتي تتمنايها تتحقق ؟

47 - أمنية عامة للأمة كلها ؟

48 - أكتر صفة بتحبيها ؟

49 - أكتر صفة بتكرهيها ؟

50 - لو خيرتك بين انك تعيش فى جنة لوحدك وانك تعيشي فى وسط ناس كتير فى اوضة صغيرة تختاري ايه ؟

51 - ايه رأيك فى الحياه ونفسك تعيشيها ازاى يعنى نفسك ايه الى تحققيه فيها ؟

52 - وايه الى عجبك فيها وايه الى نفسك تغيريه فيها ؟

53 - الامنيه الى كان نفسك تحققيها وخلاص ضاعت منك ومش هينفع تحققيها ؟

54 - ايه اجمل حاجه فى حياتك حصلت وعمرك ما هتنسيها ابدا ؟

55 - مين الى بتحبي تتكلمي معاه اوى وترتاحي معاه فى الكلام ؟

56 - ايه مفهوم الصداقه عندك وايه مفهوم الحب ؟

57 - مين الى عشتي معاه اجمل اللحظات ؟

58 - بتعملي ايه فى يومك ؟

59 - اختصري تلك الكلمات بكلمه واحده

الام....

الوطن.....

الحريه......

الطفل.......

نبينا محمد.....

الكرامة ......

(السؤال ده عشان يجيلك اكتئاب)

60 - نفسك تبقى ايه بعد خمس سنين ؟

61 - ومتوقعه انك هتبقى ايه بعد خمس سنين ؟

62 - والفرق بين الصورتين ده بيزعلك ولا بيفرحك ؟

63 - ويا ترى عملتي ايه عشان تقربي الصورتين دول من بعض ؟

64 - هل انت راضي عن نفسك ؟ امام نفسك وامام الناس والأهم طبعا أمام ربنا ؟

65 - بنسبة كام فى الميه ؟

66 - وهتعملي ايه او بتعملي ايه عشان تبقى النسبة 100%؟

67 - فيه حد هنا فى المنتدى بتتمنياله حاجة وحشة ؟ وهو مين ؟ وبتتمناله ايه ؟ وليه ؟ سواء فى المنتدى او فى حياتك العادية .

68 - مين اللى نفسك تتعرفي عليه اكتر ؟ وليه ؟

69 - عمرك اتكسفتي من حاجة عملتيها قبل كده ؟ وكانت ايه ؟

70 - كان نفسكي تطلع ايه وانتي صغيره ؟

71 - مين مثلك الأعلى ؟

72 - كل واحد كان له اسم بيحبه وهو صغير (كوكى سوسو مشمشه كده يعنى)

واسم تانى بيطلع عليه بيكرهه (كلبوظه بمبه ابو راسين كده يعنى)....

قولي الاتنين ومش هسيبك غير لما تقولى ؟

73 - ايه رأيك فى الحب ؟

انا عارف ان فيه اسئله تم الأجابه عليها

بس انا بجد عاوز اشوف ردك تانى عليها

ههههههههههههههههههههههههههههههههههه

عاوز اتعبك بقا معايه يلا خدى يوم اجازة كدة عشان تعرفى تجاوبى بتركيز

وليكى الحق طبعا انك تلغى الأجابه على اى سؤال مش عاوزة تجاوبى عليه

يلا سلام مستنى اجابتك

بقى كده يابشمهندس تعملها فيا .. الله يساااااااااااااااامحك
ده انا كنت بدعيلك .. هتخليني اغير رأيي اهو هههههههههههههههههه
<< بهزر طبعااااااا >>>

غاااااااااااااوي تعب انت باين عليك كده
بس اوكيشن هروح جري احضر الاجابات وارجع كمان اسبوع اكون لحقت اجاوبها ههههههههههههههه

ahla hyah ... تحت كرسي الاعتراف - صفحة 4 476735

ahla hyah ... تحت كرسي الاعتراف - صفحة 4 476735

ahla hyah ... تحت كرسي الاعتراف - صفحة 4 509670

<<< بياكل جبس ومتابع في صمت

نمر الرافدين كتب:: <<< بياكل جبس ومتابع في صمت

ههههههههههه احلى حاجة فيك الصمت والله يانمر .. ربنا يديمه عليك ياخويا يااااااااااااااارب

انا جاوبتك يابشمهندس على شوية كتير منهم اهو الواحد ياخدهم بشويش عشان ميموتش هههههههههههه

1 –

انتي الاول ليه اخترتي المنتدى بتاعنا ؟
رخامة يعني لو عندك اعتراض ههههههههههه

2 - ايه اكتر حاجة عملتيها فى حياتك وندمتي عليها ؟؟
تقريبا مفيش لان اللي بعمله بكون وقتها حساه اوي
لكن اكيد بيجي وقت وقفة مع النفس على كل حاجة صغيرة وكبيرة وساعتها بس بندم على كل حاجة حتى لو كنت حباها بس لمجرد انها ممكن تزعل ربنا مني او تبعدني عنه .. وعمري ما وقفت مع نفسي بجد غير يوم 28_12_2009 وعمري ما انسى اليوم ده لان وقتها كان اول مرة احس فعلا اني عاوزة ابدأ من غير أي شوائب .. كل مرة كانت بتكون محاسبة للنفس لكن من غير عزيمة لكن اليوم ده حسيت اني بدأت فعلا مين غير شوائب من غير احزان من غير أي اوهام .. بدات حياة واحلى حياة بفضل الله عز وجل الحمد لله
يعني تقدر تقول ان احلى حياة قبل اليوم ده كانت واحدة وبعد اليوم ده واحدة تانية خالص .. واحلى حياة دلوقتي رجعت لنفسها الحمد لله وهي دي احلى حياة اللي كنت نفسي اعيشها واكون فيها من زمان اوي

3 - حاسه ان الحياة ماشية زى ما انتي عايزه ولا لا ؟؟
الحمد لله على كل شيء .. ربنا بجد قدرلي حاجت كتير وقتها مش بفهم حكمة ربنا منها لكن بعد كده ياااااااااااااااا الله مهما اوصف الاحساس اللي حسيته لما فهمت حكمة ربنا من أي حاجة حصلتلي وكنت فكراها مش حلوة مش هقدر اتكلم .. لكن ربنا بجد ممشيلي الدنيا زي ماهو عاوز وبيخليني بفضله راضية .. ويمكن الصفة دي في احلى حياة الجديدة اللي عمرها ميكملش 3 شهور

4 - حاسس ان شخصيتك قوية ولا لا ومستهتره ولالا وثقتك بنفسك اد ايه ؟؟
شخصيتي مش قوية بالدرجة الكبيرة لكن الحمد لله ليا اسلوبي بعرف اقنع بيه اللي أدامي لكن طبعا مش كل حاجة .. لكن عمر شخصيتي ماكانت قوية أدام اتنين بس بابا واخويا يمكن دي كنت شيفاها حاجة مش حلوة لكن دلوقتي حساها قوة اكبر منها احترام اننا أدام اللي يحبونا نكون ناسيين كلمة قوة بس التعامل بالقلب
مستهترة ؟ بحمد الله معتقدتش اني كنت مستهترة في يوم من الايام ممكن يكون في مواقف عدت عليا ممكن اكون استهترت فيها لكن اني استهتر في حاجة مترتب عليها حياة عمري طبعا مااستهتر فيها

5 - ايه اكتر موقف محرج حصلك واتصرفتي فيه ازاى ؟؟
هههههههههههههههه انتو غاويين تفكرووووووووني ليه بس
يوم ما كنت انا واصحابي جايبين في سيرة المعيد اياه الله يسامحه ويبعده عننا ولقيناه أدامنا .. غيرنا الموضوع ولا كإننا كنا بنم عليه ههههههههههه وبعدها شوفنا الويل ثم الويل ثم الويل ثم الويل
انتو كده هتخلوني اعيش في دور سيدة ههههههههههههه
والله يازمن .. ما كان بإيدينا .. زرعنا الشوك ولا جانينا

6 - عدد اخواتك وترتيبك فيهم وشخصيتك فى البيت عامله ازاى ؟؟
احنا 3 وانا الصغننونة . ايووووووون اخر العنقود ههههههههه
شخصيتي في البيت مرحة جداااااااااااااااااااااااااا اهو الواحد يعوض سكوته وهدؤه بره البيت

7 - اول حب فى حياتك كان امتى ؟؟
ممممممممممم هذا سؤال فريد من نوعه يا استاذ هريدي
اعد النظر فيه مرة اخرى من فضلك هههههههههههههه

8 - ايه رايك فى علااقة البنت بالولد كما نقول بالصداقة ؟؟
صداقة صداقة صداقة
صداقة بين ولد وبنت ؟؟؟؟؟؟؟؟؟؟؟؟؟؟!!!!!!!!!!!!
غريبة شوية صح

9 - انتي مين اقربلك بابا ولا حد من اخواتك ؟؟
بابا واخويا واختي

10 - مين اعز اصحابك ؟ من البنات والولاد ؟
من البنات : اميرة والاء اصحابي من ايام المدرسة ونور وهدى ووسام من الكلية
من الولاد : اخويا وابن عمتي والحمد لله مفيش بره العائلة

11 - اعز شخصيه بالمنتدى لكي ؟ بنت ؟؟
فوفو .. سهيلة .. بنت فلسطين

12 - عضو تتابعي دااااائما ردوده و مواضيعه ؟
نمر الرافدين
فوفو
محمد بدر

13 - اقرب شخص لكي باالمنتدى ؟ ولد ؟؟
يعني ايه __________________________

14 - انتي بتؤمني بالحب من اول نظره ؟
اول نظرة اول نظرة اول نظرة
بص يابشمهندس ويمكن ده برأي احلى حياة اللي لسه مولودة
الحب من اول نظرة يعني حب بالقلب بس
وحب بالقلب بس محكوم عليه بالفشل ومش الفشل بس تؤتؤتؤ ده بالاعدام كمان .. لانه بيكون من القلب بس من غير ما نعمل حساب لاي حاجة ولا أي حد من غير ما نفكر في العواقب من غير مانفكر هيكمل ولا لأ وقتها بس القلب بيفكر في الحب وبس غير كده مرفوض عنده

15 - فى رايك انتي ماهى حدود علاقه البنت بالولد ؟ ايزى يعنى ولا ايه ؟ زى ما سمعتى فى الخطبة ؟؟
دي بقى عندي رأيين وهقولك عليهم
الاول اللي كنت عليه .. يعني مثلا انا البنت الوحيدة في القسم اوك كان ممكن اتكلم مع الشباب اللي معايا ويمكن اخدوا رأيي في حاجات كتير تخصهم ومشاكل حلناها مع بعض
الرأي التاني وده اللي عليه حاليا بفضل الله .. مش بسمح لأي حد بمجرد انه يفكر يكون في مكان اكتر من الزميل .. محدش يفهم غلط ههههههههههه اقصد انه يكون صاحبي يعني .. الشيطان بيحور الكلام انا عارفه ههههههههههههه

وزي ما سمعت من الخطبة اتعلمت منها ان مينفعش العلاقة بين الولد والبنت تكون ايزي كده وكله مسموح وبالذات طبعا بين المخطوبين لانهم بيفكروا ان خلاص مادام اتخطبنا يبقى خلاص كله عادي
لأ طبعا ده كل ما يكون فيه حدود في العلاقة بيزيد الاحترام المتبادل بينهم ويكفي ان الولد بكده يكون بيحترم البنت دي جدا وأد ايه بيكون شايفها مش زي باقي البنات عنده ..

16 - انتي جربتي الحب ؟
ايوه ياخويا .. عذاب بعيد عنك هههههههههههههه

17 - ايه اصعب موقف حصلك فى حياتك ؟
يوم فراق عيشته

18 - اتغلبتي عليه ازاااااااااى ؟
بقيت ادعي كتير اوي واقول اللهم اجرني في مصيبتي واخلف لي خيرا منها .. وسبحان الله اول مرة كنت اعرف فضل الدعوة دي وعمري ما حسيت ان ربنا بيحبني الا بعد الدعوة دي ... لان ربنا فعلا عمره ما هياخد حاجة منك الا لو كان فيه الافضل منها وعمره ما هيديلك حاجة وهي مش حلوة ليه .. عشان كده بجد كفاية ادعي ربنا هوا وكيلي والوحيد اللي مش بيخزل أي حد يدعيه

19 - مين فارس احلامك الى انتي بتحلمي بيه ؟
فارس احلامي في زوج صالح يتقي ربنا فيا وناخدو بإيد بعض للجنة والحمد لله ربنا وهب لي اللي بياخد بإيدي لحب الله وللجنة

20- مين الى انتي بتكرهيه موت ومسود عيشتك ؟
هههههههههههههههه ومسود عيشتي كمان
لا الحمد لله مفيش وبعدين المسامح كريم ههههههههه ممكن ابقى اغير اسمي بقى عشان يليق عليه

21 - مين صاحبك اوى الى انتي بتعزيه ؟
اميرة

22 - متى تشعري انكي فخوره بنفسك ؟
لما احس برضا ربنا عليا

23 - متى تشعري انك ضعيفه ؟
أدام دمعة واحدة تطلع من قلب صادق بجد

24 - ومتى يغضب احلا حياه ؟
ينفع تخليها تغضب بليز بلييييز ههههههههههه
بغضب من نفسي وي لو زعلت حد عزيز عليا
وبزعل واتنرفز اوي لما اللي أدامي ميكنش مقدر موقفي وميكنش مقدر اللي بحس بيه

25 - سالتي نفسك فى يوم انتي مين وعايش ليه وعاوز تعملي ايه فى حياتك ؟
يووووووووووه كتييييييييييير
ومكتنش بلاقي اجابة حاجة تنقط صح هههههههههههههه

26 - أسألي نفسك أي سؤال لم يسألك أحد أياه وجاوبيني عليه ؟
بتسمعي ايه دلوقتي
بسمع عبد الحليم ومحدش يفهم غلط عشان انا عارفه الشيطان هههههههههههههه بسمع اغنية دينية ليه اسمها ياخالق الزهرة في حضن الجبل

27 – عندك كام أخ واخت ؟ و هما عاملين دوشة ولا عادى كدة ؟ و يا ترى حلوين ولا...... ؟؟
عندي اخ واحد واخت واحدة ياريتهم معايا يابشمهندس الاتنين اتجوزوا بقى ومش باقي غيييييييري عقبال ما احصلهم يااااارب هههههههههه مش متسربعة ولا حاجة هههههههههههههههه

حلوين طبعاااااااااااااااااا عشان انا اختهم هههههههههههههه

28 - ترتيبك الكام فى اخواتك ؟
شكلك كده كنت نايم يابشمهندس
السؤال ده مكرر وانت كده هتتحاسب حساب الملكين استلقى وعدك ياحلو ههههههههههه

29 - أكتر موضوع عجبك فى المنتدى ؟
مواضيع كتير اوي ما شاء الله بجد

30 - أكتر عضو بيعجبك مواضيعه ؟ أكتر قسم بتدخليه فى المنتدى ؟ و ليه ؟
كلكو مواضعكو رووووووووعة واكتر قسم بعد العام بحس اني بقرب منكم اكتر فيه

31 - موضوع انتي كتبتيه و حاسه بسعادة كبيرة انك كتبتيه ؟؟
موضوع الكنز المفقود ونفسي ربنا يكتبه في ميزان حسناتي ياااااااااااااااااااااااه يارب يارب يارب يارب يارب يارب يارب يارب يارب يارب يارب يارب يارب يارب يارب يارب يارب

32 - موضوع كتبتيه و ندمتي عليه ؟؟
موضوع الاعتذار اني مش هدخل المنتدى تاني بس الحمد لله دلوقتي ملوش وجود . وده احسن بجد

33 - ايه الموضوع اللى لما قرأتيه قلتي أنا كان نفسى أكون أنا اللى كتبت الموضوع ده ؟
موضوع النقاب بتاعك ما شاء الله ما شاء الله ما شاء الله عليه

34 - ايه أكتر موضوع أثر فيكي ؟
موضوع الغياب

35 - أحلى رد كتبتيه على موضوع كان ايه مضمون الرد ؟ و كان على أنهى موضوع ؟
احلى رد كتبته او تقدر تقول اللي حسيت بفرحة وانا بكتبه يوم ما رحبت بأختي محبة في الله
وبقولها من هنا اهو ومن فوق الكرسي بتاع الاعدام وانا في اخر انفاسي ههههههههههه
أحبك في الله
واوعى تقولي تاني اننا بنحبك عشان انتي خطيبة البشمهندس بس
لكن بجد الكلام اللي البشمهندس كتبه عنك يبين أد ايه انتي انسانة حبوبة وروحك جميلة وما شاء الله عليكي

36 - أكلتك المفضلة ؟
عد ياسيدي .. محشي .. ملوخية .. مكرونة بالبشاميل .. واولهم مكرونة اسباكتي هههههههههههههه هوا انا هتخن من شوية ياناااااااااس

37 - مشروبك المفضل ؟
عصير الفراولة والكابتشينو

38 - سندوتشك المفضل ؟
جبنة شيدر

39 - قناتك المفضلة ؟
الرحمة ودريم 2

40 - برنامجك المفضل ؟
من فترة كبيرة مبقتش متابعة حاجة خاااااااااااااااالص

41 - أكتر عالم أو داعية بتحب تسمعيله ؟
كان الاول مصطفى حسني لكن دلوقتي الشيخ محمد حسان والشيخ محمد الزغبي والشيخ محمود المصري والشيخ محمد الصاوي

42 - أكتر كتاب قرأته وعجبك ؟
موسوعة الزواج الاسلامي السعيد

43 - هوايتك المفضلة ؟
الرسم

44 - أول حاجة بتعمليها لما تقومي من النوم ؟
ههههههههههههههه مش بقولك غاوي تعب مش مصدقني
طيب ممكن اغير اجابتي بقى تجديد اهوو

بنزل من ع السرير والبس البشبش ههههههههههه
طلعت اوووووووووووت

45 - أقرب الناس ليكي من العائلة ؟
بنت عمتي

46 - أمنية خاصة بيكي انتي تتمنايها تتحقق ؟
ان ربنا يثبتني انا وخطيبي على اتباع القران والسنة وناخد بإيد بعض للجنة

47 - أمنية عامة للأمة كلها ؟
ان ربنا ينجي امة محمد من كل المصائب
وانه يزرع في قلوبنا حب الخير ويخلينا كلنا واحد

48 - أكتر صفة بتحبيها ؟
الصدق والوفاء

49 - أكتر صفة بتكرهيها ؟
الكدب

50 - لو خيرتك بين انك تعيش فى جنة لوحدك وانك تعيشي فى وسط ناس كتير فى اوضة صغيرة تختاري ايه ؟
وايه معنى الجنة لو هعيش فيها لوحدي
دي الحياة بتكون جنة عشان فيها مع الناس اللي بنحبوهم وبيحبونا
يبقى اكيد هختار اني اعيش في أوضة صغيرة وسط ناس كتير بس ش أي ناس .. ناس احبهم ويحبوني

51 - ايه رأيك فى الحياه ونفسك تعيشيها ازاى يعنى نفسك ايه الى تحققيه فيها ؟
الحياة جميلة اوووووووووووووووي
نفسي اعيشها زي ما انا عيشاها دلوقتي في روحانيات وحلاوة ايمان
نفسي ربنا يثبتني على الطاعة والاحسان والخير

52 - وايه الى عجبك فيها وايه الى نفسك تغيريه فيها ؟
هي كده جميلة اوي ومش محتاجة اغير حاجة فيها لان كله هبة من عند ربنا ليا الحمد لله رب العالمين

53 - الامنيه الى كان نفسك تحققيها وخلاص ضاعت منك ومش هينفع تحققيها ؟
أمنية كان نفسي احققها وضاعت مني ومش هينفع احققها .. انت كده بتتكلم عن سراب لان الامنية المستحيلة بتكون مجرد حلم ونا متعودتش احلم.. افضل اعيش الواقع افضل بكتير من اني احلم بأمنية مستحيلة

54 - ايه اجمل حاجه فى حياتك حصلت وعمرك ما هتنسيها ابدا ؟
يوم ما فهمت حمة ربنا في كل اللي حصل معايا

55 - مين الى بتحبي تتكلمي معاه اوى وترتاحي معاه فى الكلام ؟
اخويا وخطيبي واميرة صاحبتي

56 - ايه مفهوم الصداقه عندك وايه مفهوم الحب ؟
الصداقة عمله نادرة مش بسهولة نلاقيها لكن لو لقيناها تغنينا عن الوحدة

الحب: اسمى المشاعر اللي ممكن نحسها .. ارق نبض ممكن ينبضه القلب .. احلى دنيا ممكن نعشيها .. حاجة تخليك حابب تتغير للاحسن .. احساس يخليك طاير فوق السحاب والنجوم .. ياااااااااااااااه
احلى حاجة انك تقابل حبك الحقيقي مع الانسان اللي ربنا كتبهولك ده لوحده يكفيك ويغنيك عن كل الدنيا .. يخليك عايش حياة عمرك ما عيشتها ولا حسيت زيها

استأذنكم بقى عشان اناااااااااااااااااااااااااااااااااام
احلام سعيدة
تصبحوا على رضا الرحمن ورؤية الرسول عليه الصلاة والسلام في المنام

احلى حياة

حطيت كم سؤال في الصفحة رقم اثنين

للحين ما رديتي عليهم

الحـالـمــة كتب:: احلى حياة

حطيت كم سؤال في الصفحة رقم اثنين

للحين ما رديتي عليهم

حبيبة قلبي والله اسفة بجد .. انا مش عارفه انتي اللي بيحصل معاها كده ليه بس والله غصب عني
ده انتو تطيروا العقل
بحبك في الله وسامحيني على السهو ده

كم سنة لك من استخدام الانترنت
كده يبقى باقيلي بالظبط 3 سنين
ما مدى خبرتك الاشرافية
الاشراف والادارة موجودة فيهم والحمد لله بس بره النت لكن اشراف على منتدى كانت اول مرة ليا في منتدى التنمية الزراعية

ما هي نصيحتك للاعضاء بالنسبة لطرح المواضيع و المشاركات
نصيحتي ليا قبل ما تكون ليكو اننا ننتقي المواضيع اللي تفيد فعلا واللي تقدم حاجة كويسة لغيرنا ولينا وتكون اضافة وليست كمالة

كيف هي علاقتك بشغل البيت
مكنتش بحب اعمل حاجة لغاية قريب لكن دلوقتي الحمد لله تقدري تقولي بقيت اعرف ارتب كل حاجة من اول حاجة لاخر حاجة ممكن تتعمل في البيت ومحدش عندنا في البيت مصدق على فكرة ان كان ممكن احب اتعلم أي حاجة في البيت هههههههههه كانو فاقدين الامل خالص .. بس فعلا الحب يصنع المعجزات ههههههههههه

بتاسف مرة تانية اني سهيت عن الاسئلة وارجو السماح

اوك

و الحين اسمحيلي اتفلسف عليكي

و احاول احلل شخصيتك من خلال ردودك

و انت جاوبني بصراحة

هل كلامي صحيح عنك و لا لا

انت بنت ما تحبي توجعي راسك بالاهتمام بتفاصيل الاشياء
بتكتفي بالاشياء السطحية
و كمان انت بنت بتحبي التغير على طول
لكن هذا ما يمنع انك بنت تعشقي الاستقرار

و شكرا

السلام عليكم يااحلي حياه
عامله ايه ان شاء الله تكوني بخير
وربنا يعينك يارب عليهم ويقويكي
انا دخلت اسلم بس واعزريني مش هاسال اي سؤال
وكفايه هما عليكي ياحبيبتي
ربنا يازيكي كل خير ويوفقك يارب
اختك هبه

الحـالـمــة كتب:: اوك

و الحين اسمحيلي اتفلسف عليكي

و احاول احلل شخصيتك من خلال ردودك

و انت جاوبني بصراحة

هل كلامي صحيح عنك و لا لا

انت بنت ما تحبي توجعي راسك بالاهتمام بتفاصيل الاشياء
بتكتفي بالاشياء السطحية
و كمان انت بنت بتحبي التغير على طول
لكن هذا ما يمنع انك بنت تعشقي الاستقرار

و شكرا

تعرفي حتى لو مش فيا كلامك كفاية انه منك ياقلبي
بس فيه حاجة واحدة يمكن هي اللي مختلفة فيا
بحب اعرف التفاصيل عشان اشوف الموضوع اوضح وده مش في كل الاحيان ومش مع كل الناس
فيه مواقف لازم اكون فيها سطحية لان طبعا " من تدخل فيما لا يعنيه .. سمع ما لا يرضيه "
بحب التغيير كتير ومش بحب افضل على حال واحد طول الوقت وده على فكرة بيخليني انشط اكتر من الاول في كل شيء لان التغيير لوحده بيحسسك انك واحدة جديدة وبتنمى في كل مرة التغيير يكون للأحسن والحمد لله كل اللي بتنماه هو الاستقرار في كل حاجة بعيشها لان ده اللي بيحسسك بالاطمئنان في الدنيا
تسلميلي حبيبة قلبي على رايك فيا وربنا ماايحرمني منك ابدا

ahla hyah ... تحت كرسي الاعتراف - صفحة 4 444157

ahla hyah ... تحت كرسي الاعتراف - صفحة 4 444157

أحزان سهيلة كتب:: السلام عليكم يااحلي حياه
عامله ايه ان شاء الله تكوني بخير
وربنا يعينك يارب عليهم ويقويكي
انا دخلت اسلم بس واعزريني مش هاسال اي سؤال
وكفايه هما عليكي ياحبيبتي
ربنا يازيكي كل خير ويوفقك يارب
اختك هبه

وعليكم السلام ورحمة الله وبركاته
الحمد لله ياقلبي انا بخير طول ما انتي بخير .. ربنا مايحرمني من طلتك عليا وكفاية عليا انك نورتيني بمرورك اللي ربنا مايحرمني منه ابدا يارب
هبة نفسي بجد اقولك .. اني بحبك في الله اوي .. ربنا يجمعنا على حوض الحبيب المصطفى عليه الصلاة والسلام ويزيح همك ويبدله فرحا يارب وينور طريق قلبك للهدى والثبات على صراطه المستقم .. الله يحميكي ياقلبي ويراضيكي ويرضيكي ... أحبك في الله يا اغلى هبة عرفتها في دنيتي

هكمل كده اسئلتك يابشمهندس ونفسي بقى يانمر تيجي تقول خلاااااااااص الوقت المسموح بيه خلص من بدررررررررري .. انطقها بقى ينوبك فيا ثواب ياخويا هههههههههههههههه
ده انتو مصيتو دمي يااااااااااااااااااااااانااااااااااااااااااس حد يلحقي

57 - مين الى عشتي معاه اجمل اللحظات ؟
اللي ربنا هداني بيه وكرمني بيه . اللي أخدني من حياة الدنيا لحياة مليانة حب لله ورضا .. حياة مليناة خشوع .. اقل كلمة ممكن أقولها عليه انه مـــــــــــــــلاك

58 - بتعملي ايه فى يومك ؟
بصحى من النوم بكل فرحة ونشاط الحمد لله ودلوقتي بقيت اهتم بالطبخ هههههههههه يعني تمهيد عشان الملاك البريء ميروحش المستشفى من اول يوم بسبب التلبك المعوي .. وبعدها بيكون العصر أذن بقعد على الكمبيوتر شوية وبعدها بروح اقضي يومي مع عمتي وعمي وبعدها بالليل اقعد مع بابا ونحكي سوا في كل حاجة وبعدها اقعد ع النت شوية كمان وبعدها بنام واصحى وهكذا وبينهم الصلاة وقراءة كتب وقصص

59 - اختصري تلك الكلمات بكلمه واحده
الام.... طريقك للجنة ورضا الرحمن .. أحن حضن ممكن نحسه .. فيض حنان متلاقيش زيه الا فيها هي وبس ..

الوطن..... كلمة نفسي احسها اكتر من كده .. وطن يعني مكان استقرارك وحياتك .. مكان بيديلك مميزات عن غيرك !!!

الحريه...... اكبر مسئولية في الحياة ومش بالسهولة على أي حد انه يشيلها .. الحرية = مسئولية

الطفل....... كائن بريء دعوته مستجابه .. قلب ابيض .. تصرفاته ع الطبيعة واحلى حاجة بتطلع منه .. الطفل يعني براءة يعني فرحة يعني حياة يعني جمال يعني كل حب الدنيا
تنسى نفسك معاه وتلاقي نفسك بتصغر أدامه وانت فرحان ومبسوط اوي

نبينا محمد..... عليه الصلاة والسلام .. ارحم البشر بيهم وانقى قلب على وجه الارض .. نفسي اقابلكم على حوضه ويسقينا بيده الشريفة ونكون جواره في جنة الرحمن ..
محمد = الرحمة ونهج الحياة

الكرامة ......اغلى حاجة ممكن الانسان يدافع عنها ومن غيرها يبقى ملوش لازمة انه يعيش لانه من غيرها مش هيكون انسان

(السؤال ده عشان يجيلك اكتئاب)
ههههههههههه لألألألألألألأ متقلقش عندي تحصين ضد الاكتئاب دلوقتي ما شاء الله يعني مش عاوزة نق ههههههههههه

60 - نفسك تبقى ايه بعد خمس سنين ؟
نفسي اكون حققت امنيتي

61 - ومتوقعه انك هتبقى ايه بعد خمس سنين ؟
ان شاء الرحمن هكون حققتها

62 - والفرق بين الصورتين ده بيزعلك ولا بيفرحك ؟
بيفرحني جداااااااااااااااااااااااااااااااااا لاني هكون في احلى حياة

63 - ويا ترى عملتي ايه عشان تقربي الصورتين دول من بعض ؟
بحاول اقرا كتير واتعلم اكتر عشان اقدر احقق امنيتي .. ممكن يكون جه في بالك الامنية .. بس انا واثقة ان امنيتي مش هتيجي على بالكم خالص ههههههههههههه

64 - هل انت راضي عن نفسك ؟ امام نفسك وامام الناس والأهم طبعا أمام ربنا ؟
الحمد لله على كل حال بس ماقبلتش يوم وكنت راضية فيه عن نفسي 100% لان بيكون فيه هفوات كتير واحلى حاجة بجد اننا منشوفش نفسنا حلوين عشان حماسنا للتغيير للاحسن ميقلش وعشان كده لازم نقارن نفسنا باللي اعلى مننا في التدين والاخلاق الحميدة و و و و كل حاجة حلوة عشان نحاول نعلى ونطلع على سلم الهداية والتقوى لغاية ما بكرم ربنا علينا نوصل لرضاه سبحانه وتعالى

65 - بنسبة كام فى الميه ؟
مممم بجد مش عارفه

66 - وهتعملي ايه او بتعملي ايه عشان تبقى النسبة 100%؟
بحاول اقوي علاقتي بربنا اكتر بالصلاة والدعاء وقراءة القران وقراءة العلوم الشرعية والحمد لله انا وخطيبي بنعين بعض على طريق التقوى والثبات على الحق والهداية ونفسنا نوصل سوا لرضا الله عز وجل .. وبجد يكفي انك متكونش لوحدك وتلاقي اللي يعنيك عشان متكسلش او حماسك ميقلش

67 - فيه حد هنا فى المنتدى بتتمنياله حاجة وحشة ؟ وهو مين ؟ وبتتمناله ايه ؟ وليه ؟ سواء فى المنتدى او فى حياتك العادية .
ياااااااااااا نهاااااااااااااااااااااري .. لا حول ولا قوة الا بالله .. هوا انت شايفني وحشة اوي كده .. الله يسامحك يابشمهندس

68 - مين اللى نفسك تتعرفي عليه اكتر ؟ وليه ؟
الحبيب المصطفى عليه الصلاة والسلام عشان نفسي امشي على سنته

69 - عمرك اتكسفتي من حاجة عملتيها قبل كده ؟ وكانت ايه ؟
اتكسفت اكيد يمكن لاني عملتها من غير تفكير او اني مكنتش انا .. ساعات كتير بنحس اننا مش احنا ونقول لنفسنا احنا ازاي عملنا كده .. لكن سبحان الله ربنا بيخلينا نغلط عشان نرجعله ونحس بطعم الرجوع ليه من تاني

70 - كان نفسكي تطلع ايه وانتي صغيره ؟
مدرسة وكنت دايما العب مع اصحابي واحنا صغيرين اننا في المدرسة ونكتب أ ب ت ونقرا هههههههههه عيال بقى

71 - مين مثلك الأعلى ؟
اخويا ودلوقتي بقى اخويا وخطيبي

72 - كل واحد كان له اسم بيحبه وهو صغير (كوكى سوسو مشمشه كده يعنى)
هههههههههه ايون لما حد يناديني بيه اعرف ان فيه مصلحة
كان سوسو وبطوط

واسم تانى بيطلع عليه بيكرهه (كلبوظه بمبه ابو راسين كده يعنى)....
ههههههههه لا تيمون ولا بومبه

قولي الاتنين ومش هسيبك غير لما تقولى ؟
ههههههههههه لا غصب عنك هتسيبني مش برضاك على فكرة يعني ههههههههههه

73 - ايه رأيك فى الحب ؟
احلى احساس ممكن يغيرك من الألف الى الياء لو كان حقيقي بجد
يخليك تتغير للاحسن يخليك نفسك تكون افضل عشان تكون جدير بحبيك
الحب مع الحبيب احلى احساس ممكن يتحس وممكن يكون اقسى خنجر يقتلك .. يعني من ده على ده كوكتيل ههههههههههههه

يارب اكون عرفت اجاوب كويس على اسئلتك

مسآك / صبآحك

بخور مسكـ ,,~

شخبارك حبيت اطمن عليك دخلتي

المصحه والعنايه المركزه ولا لسا ؟!!

انا كنت جايه بكم سؤال

بس والله كسرتي خاطري

وقلت خلاص اعدي كذآ يكفي

وذا انتي بآستعدآد انا موجوده ,,~

اختك ,, آروووج

حبيبة قلبي ياريت كلهم يعملوا زيك ويحسو بيا ياااااااارييييييييييت
ربنا مايحرمني من طلتك الجميلة دي يارب
خليكي موجودة معايا بس اوعى تتهوري ههههههههههههههههه

ده انا فرحت اما لقيتك مشارك قولت اخيييييييييرا هتجيب الكرسي وترحمني بقى ..
وبعدين هوا مفيش غير الشيبسي ده .. غيّر عشان صحتك ههههههههههههههه

قربت محاكمتك يالي قاعد تاكل ومروووق وحابب الصمت

خلاص جمعنا الاصوات واخوي محمد وحصلنا على الموافقه وقريب تنفيذ الحكم بس تطلع اسرآء برآئه

هههههههههه

» الحالمه ... تحت كرسي الاعتراف
» *سواليـ[]ـفه أنآ ... تحت كرسي الاعتراف
» حنان ... تحت كرسي الاعتراف
» اميرة ... تحت كرسي الاعتراف
» ترشيح ........ كرسي الاعتراف