مـصــريــه للابــــد ... تحت كرسي الاعتراف

أهلا بيكى ياحبيبة قلبى فى سؤالك الأول واللى حطيتى له مقدمة طويلة جدا
مع ان كان ممكن تساليه ف كلمتين
مش قصدى تزعلى من كلامى بس أقصد اوصل لك انى بأخد الأمور ببساطة خالص
المهم
عشان مااطولش عليكى
لانى رايحة ع المعتقل على طول بعد الاسفين اللى نمر بيه اعطاهولى

صدقينى أنا لما كتبت الكلمات دى بتاعت اصعب فراق ماقصدتش انى اعمل مدونة ولاحتى كنت اعرف يعنى اية مدونة هى كانت ظروف مريت بيها وكانت صعبة جدا يمكن فوقتنى من حاجات كتير فعبرت عن احساسى وقتها او رؤيتى للموقف او وجهه نظرى فيه ودورت على مكان احطها فيه مالقيتش مكان مناسب أكتر من الكرن الهادى بعدها فوجئت بيكى بتقولى انى علمت مودنة وللاسف وقتها ماكنت قادرة اتكلم وحالتى النفسة كانت وحشة جدا فمارديتش ارد لان كلامى كان ممكن جدا يدايقكم فاعذرونى

الظروف دى ياستى مش سر ولا حاجة
بس هى واحدة عزيزة جدا عليا الله يرحمها بقا
توفاها الله
عرفت متأخر بعدها بكام يوم لما اتصلت بأخوها عشان أسأله عنها ففاجانى بالخبر فماكنتش عارفة اتكلم
لدرجة والله انه وهو اخوها كان بيحاول يهدينى من الحالة اللى كنت فيها اول ماسمعت الخبر مع انى المفروض اللى كنت بعزيه فى وفاه اخته فكان بيحكى لى انه مرتاح لأنها ماتت وهى ف حضنه فماتتخيلوش بجد أد إية الاحساس دا صعب
بس بجد الخبر كان صعب صعب صعب

لدرجة فعلا إنى مالقتش عنوان ممكن يكون مناسب اكتر من كدا

الله يرحمها


وعلى فكرة ف نفس اليوم اللى كتبت فيه أصعب فراق كتبت حاجات تانية بس ماقدرتش انزلها وزى ماقلت لك انى ماكنتش اعرف ان هى دى المدونة اللى انتو كنتو بتتكلمو عنها لان الحاجات التانية اللى كتبتها لها عناوين تانية وبتتكلم على موضوعات تانية خالص
بجد الحمد لله انى كنت بكتب وبخرج همومى ف الكتابة
الحمد لله


عموما مستنية بقية أسئلتك