وادي الحب ... تحت كرسي الاعتراف

يلا نكمل

11. ايه رايك بالردود الحماسيه والتشجيعيه والردود العاديه ؟
طبعا الردود التشجيعيه احسن لان بتحسسك ازاي الناس اتفاعلت مع موضوعك
وبيزيد التفاعل بين الاعضاء وبتحسسك انك علي قد تعبك في الموضوع بتلاقي ناس بتقدر
انما الردود العاديه بجد بتخنق شويه يعني تبقي تعبان وطالع عينك في الموضوع وتنسيق
ولو فيه صور بترفعها وكده
وتدخل تلاقي واحد كاتبلك شكرا وبارك الله فيك لكي مني اجمل تحيه
ولا بيبقي قري الموضوع ولا حاجه عايز مشاركاته تزيد زخلاص


12 . ايه رايك يدخل حد بموضوع انت كاتبه وتعبان فيه ويدخل يضيف ويخرج من غير
كلمه شكر ليك ؟
ولا اكني شوفت اضافته ولا هحسسه انه موجود
هرد علي باقي الاعضاء وهوه صباح التنفيض
عامل الناس بمعاملتهم ولا انا غلطان

. اطلق لقب لكل عضو :

محمد بدر
مهندس المنتدي

احلى حياة
فاكهه المنتدي

علياء
ملكه المنتدي

سهيله
رومانسيه المنتدي

بنت فلسطين
قمر المنتدي

الفتاة الحالمه
نجمه المنتدي

حنان
اميره المنتدي

روز
دلوعه المنتدي

نمر الرافدين
برنس وملك المنتدي


14. اي قسم من اقسام المنتدى تحب ؟
القسم العااام


15 . ما ترتيبك في العائله
الوسطاني


16. هل تحب الشاتات الكتابيه ؟
لما يكون في شات زي اللي كنا بندخله ولمتنا وكده
وربي كانت اياااااااااام عمري ما هنسي مغامرات نمور وفاصل ونواصل وعبودي ومروان
وجار القمر وشوتر وانت فاهم
ايااااااااام ياااااض انما دلوقتي لو تقلي ادخل شات معتقدشي لاني كنت بحب لمتنا
يعني لو هندخل كلنا اكيد هكون اولكم

18. هل تؤمن بالحب عن طريق النت ؟
لاء طبعا علي النت في ناس ممكن تتجمل وتبين نفسها ملاك
علي عكس ما هيه فعلا وثانيا اغلب الناس اللي اعرفهم واللي حبوا علي النت
بينتهي بمشاكل وربنا يوفق الجميع

19. كلمه تقولها لوادي الحب ؟
اقوله ها هتعمل ايه بقي مفيد في حياتك ؟؟


20 . اي بلد تحب ان تزورها ... عربيه / اجنبيه ؟
عربيه احب ازور لبنان
اجنبيه اكيد كندا لاني بجد نفسي اشوف شلالات نياجرا علي الحقيقه


نمور مشكووووووور علي الاسئله بجد
كانت لذيذه حتي انا خلصتها اكل هههههههههه
تسلم يااااااض بجد حلوه اسئلتك
خالص تحيتي
وادي الحب
سلااااااااااااااااااااااحف

السلام عليكم ورحمة الله وبركاتة

يلا الدور علي اسئلتك سهيله
ويلا نبدأ

1-ايه الحلم اللي نفسك تحققه؟؟
والله مش عارف اصلي بقيت بخاف احلم لاني كل ما بحلم حلم مش بيتحقق فبطلت احلم
وانا بحلم بشئ وهوه اني اكون محافظ البنك المركزي وربنا هنغنغ الشعب ههههههههه
وعادي بحلم اهه وعارف انه كده كده مش هيتحقق مش عشان انا حلمت بكده هههههههههههههه


2-ايه اصعب موقف مر عليك؟؟؟
اصعب موقفين مروا عليا
يوم موت اعز اتنين علي قلبي
البنت اللي كنت بحبها من المنطقه عندنا
وصديقي احمد هتفضل في قلبي وعمري ما هنساك
الله يرحمهم يارب ويسكنهم الفردوس الاعلي

3-بتحب ايه في شخصيه المراه عموما؟؟
بحب البنت الجدعه واللي دمها خفيف وطبعا تكون هاديه

4- بتكره ايه في المراه عموما؟؟؟
طبعا ودي صفه شائعه في معظم البنات بس مش بحب البنات الرغايه وطبعا البنت المنفسنه دي ربنا يكفينا شرها

5- ياتري ليك اصدقاء مقربين ممكن تقولهم علي اسرارك؟؟
اكيد ليا اصدقاء بثق فيهم وعندهم كل اسراري
يونس صلاح عبد العزيز وعلي وطبعا دي اسامي ابهاتهم لانهم كلهم محمد


6-ايه اكتر حاجه بتخوفك؟؟؟
الحقن ههههههههههههههههههه



7-اقول نصيحه لكل من

علياء
يا بنتي اضحكي للدنيا هتضحكلك وصدقيني محدش واخد منها حاجه

بنت فلسطين
بطلي كلام في السياسه شويه
هيه جت كده مش عارف ليه بس حاسس انك بترغي كتير في حورات السياسه دي اليومين دول

احلي حياه
اصبري وربك هيقدم اللي فيه الخير

محمد بدر
برضه اصبر وربك هيقدملك انته واحلي حياه اللي فيه الخير

نمر الرافدين
بص ياااااااض اولا انا انصحك تبطل الدنهل هههههههههههه وبعدين الحواربتاعك ده خلصه علشان ترتاح يعني لو حكم الامر سافر عمان وشوف الامور ماشيه ازاي وحاول توصل لحل وسط علشان ترتاح لاني بجد حاسس انك بقيت مخنوق اوووووي والموضوع ده كل مدي وهيتعبك اكتر

محمد صلاح
نصيحتي ليك انك تتجوز من المنصوره وتدورلي انا كمان علي عروسه من عندكم
ههههههههههههههههههه

سهيله
بصي يا ستي علي فكره انتي طيبه اوووووي ده شئ كويس
بس خلي بالك لان طيبتك دي ممكن تكون سبب ضعفك

8- تقول ايه لنفسك؟؟؟
اقول الدنيا حلوه بس انا اللي فقر كل ما بروح مكان بيخرب
هههههههههههههههه

9- بتحب نفسك؟؟؟
الحمد لله انا راضي عن نفسي

10-مين الاقرب ليكي باباك ام مامتك؟؟؟
والدتي الله يخليهالي

11-حبيت ولا لسه؟؟؟؟
حبيت ويارتني ما حبيت
بجد كما قال الشاعر
الحب بهدله

خلص دول ولي عوده اخري بالاسئله ههههههههه
عوده فين تاني الله يهديكم هوه انا كنت بطول عليكم في الاسئله
هههههههههههههههه ده انا غلبان

بهزر اي سؤال يجي علي بالكم اسألوا
وتسلمي علي اسئلتك بجد استمتعت
وانا بجاوب عليهم
خالص تحيتي
وادي الحب
سلااااااااااااااااااااااحف

السلام عليكم ورحمة الله وبركاتة

يلا نبدأ اسئلتك يا بنت فلسطين
وربنا يعني عليهم
ههههههههههههههههه



_هل تمنيت في يوم ان تكون بنت ؟؟ ولماذا؟
لاء طبعا والحمد لله اني رااجل يعني البنت عليها قيود شويه ومفروض ان صوتها واطي بره البيت وكده وممنوع سهر كتير وممنوع حاجات كتير مع ان ده معدشي موجود
انما الراجل لما بتطلب معايا حاجه اعملها بعملها علي طول يعني مش بحط في دماغي حاجه
يعني بجد فل


_ماهو رأيك في البنت اللي تلبس لبس غير محتشم؟
بصي يا ستي الواحده من دول اليومين دول عايزه تلبس لبس من غير لبس وعايزه تمشي ومحدش يبصلها ولا يقولها ايه ده ولما واحد يتهف في دماغه ويعاكسها يبقي يا داهيه دقي
ويسمع كلام زي الفل وهوه واقف مصدوم ازاي بنت بتقول كده بس معلشي برضه انتي مش هتلبسي كده واحنا هنغمش عنينا يعني
وطبعا رايي فيها انها بجد حد تاااااافه اوي واللي يبصلها ويعبرها ويحسسها بنفسها يبقي اتفه منها لاني مش شايف حاجه حلوه انها تعري نفسها علشان تبقي شيك وحركات يخرب بيت الشياكه اللي كده وبجد عايزه تتربي من اول وجديد


_هل من الممكن ان تخطب فتاة ليست من بلدك؟
ابقي اتجننت رسمي
يا بنتي انا بنزل القاهره بشوف في المترو بنات ماشيه مع ولاد وعادي جدا الحياه معاهم
مفيش اي حدود وياااه لما نزلت اداب اعلام عين شمس مع الواد صاحبي بجد عنب
فلما قعدت مع نفسي قولت انا هتجوز من المنطقه بتاعتي مش من محافظه تانيه حتي
<< مؤمن بالمثل القائل اللي تعرفه احسن من اللي متعرفوش


_هل من الممكن ان تتزوج فتاة اكبر منك سنا؟
هوه مفيش كبير في الحب
بس انا مش حابب الحوار ده يعني انا اتجوز واحده اصغر مني في حدود 3او4 سنين تبقي
فل انما اكبر دي صعبه اوووووووووي ولو حكمت وحب وحركات يبقي مش ازيد من سنه

_هل تفضل الزواج التقليدي ام الزواج عن حب؟
طبعا الزواج عن حب افضل بس لو اتوجد الحب بجد
لان بجد اغلب الشباب والبنات اليومين دول قلبهم زي الفندق واحد داخل واحده خارجه وعجبي
وعشان كده الحب التقليدي افضل لو حسيت انك مش لاقي الحب الحقيقي بجد
علشان متلبسش يا معلم
وفي نهايه السؤال اهدي اغنيه ام كلثوم حب ايه اللي انته جاي بتقول عليه انته عارف قبلي معني الحب ايه




- من تكون المراه التي تقف امامها ضعيفا؟ولماذا؟؟
امي مش عارف ليه بس بجد مش بقدر اأخرلها طلب
يعني ساعات تقولي اعمل حاجه وببقي قايم من النوم اقولها مش عامل تزعل
اروح اوضتي يا دوبك دقيقه بكتيره وارجع اقولها انا هعملها اهه بس متزعليش
فبجد ربنا يخليها لياااااااا


_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
لو انا كنت بحبها وهيه بنت ناس و حست بكده لاني طول اليوم باصص عليها وحاسه اني لخمه ومش هاخد خطوه وهيه حبت تقصر علي المسافه وقالتلي احبك اكيد علي اساس اني لخمه هرتبك واقولها انا كمان وبعد كده هتفهم اني بجد بحبها بس هيه فين البنت اللي تقول بحبك دي ههههههههههه
ولو انا مكنتش بحبها وحسيت انها جايه تقضي علي قفايا يومين
هقولها وانا كمان بحبك زي اختي بس انا مرتبط << قله الاصل ماركه مسجله
ههههههههههههههههههه
ورأيي لو حاسس انها بنت ناس يبقي بجد ده رايها ومش عيب التعبير عن الحب الا ان من المفروض في حياء للمرأه يمنعا من كده يعني مش مفروض نشوف ده في مجتمعنا علي اساس انه مجتمع محافظ انما لو بنت عايزه تعيش يومين يبقي صباحو تنفيض

-عندما تكون معجب بفتاة ماهي طريقتك في الوصول لقلبها؟؟
هعمل اي حاجه وربنا وعلي حسب الموقف يعني هكلمها هكلمها واغلبنا بيعمل عبيط ويستهبل فيها
يعني هقولك موقف حصل معايا وانا في سنه تانيه في الجامعه بس ده سر بيني وبينك
متعرفيش حد
كانت في واحده علقت معايا المهم فضلت بتاع تلات ايام وراها فوق تحت شمال يمين تبص تلاقيني ببصلها في المدرج علي طول اقعد يا جنبها يا وراها وكده بس انا مليش في حوارت لو سمحتي المحاضره دي وكده تبقي معديه وانا واقف بتشرب بيبسي اقولها ياريتني ابقي شاليموه وافضل احور فالمشكله كانت انها بتمشي مع واحده صاحبتها مش بيسيبوا بعض ابدا ففيوم الميت ترم كانت صاحبتها مجموعه ثالثه وهيه تانيه معايا فكانت مستنيه صاحبتها وواقفه لوحدها اصحابي قالولي يلا دوووووس فطلعت الموبايل ومشيت نحيتها وقولتلها لو سمحتي قالتلي نعم قولتلها انا شاري موبايل جديد وعايز نمره تونسه ضحكت ومشيت ومن يوميها واحنا اصحاب لانها طلعت مخطوبه
<< نحس من يومه


- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
ليه بس ظلمتيها يمكن بنت اختها ههههههههههه
بس عادي فل هشوف اقرب طفل واقف اخده واشتريله شوكولاته واقوله تعال نسلم علي طنط
وانادي عليها واسم عليها واقولها الايام بتجري واقوله سلم علي طنط هتسالني طبعا ابنك هقولها ايوه اخيرا لقيت الحب الحقيقي وربنا رزقني القمر ده ولا اكني شوفت البنت اللي معاها وهسيبها وهمشي وطبعا عربيه الاسعاف هتيجي تشيلها وتمشي من الموقف هههههههههه


_ كم مرة تنازلت عن مبادئك من اجل امرأه !! ؟
ولا مره والحمد لله ولا عمري ان شاء الله اتنازل عن مبدأي علشان واحده غير والدتي وزوجتي في المستقبل مش عشان حاجه غير اني لازم اخد برئيها في كل حاجه ولو شايف انها صح ليه معملشي اللي هيه قالت عليه بس برضه لازم تتنيها فاهمه انها هيه الست وانا الراجل
<< ديموقراطي


-أذا وقع نظرك على امراه .. ماهو أول شيء يلفت انتباهك وتنظر اليه ؟؟
اول شئ هبص علي ايديها الشمال واليمين اطمن ان مفيش دبله علشان مجيش علي حق حد
ههههههههههههههههههههههه وطبعا بجد بحب البنت اللي وشها رايق مش حطالي عليه اتنين كيلو بدره وعجبيييييييييييييي


- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
لاء لاء لاء طبعااا مش هنتظر منها مشاركه مفروض اني الراجل والبيت مسؤل مني بما فيه مصروفها واي شئ يلزمها يعني مش مستني منها مشاركه تشتري بمرتبها دهب ليها تحوشه ده شئ يخصها
ولو بدرت منها مشاركه لو الظروف حكمت ان الدنيا مش هتمشي غير بمشاركتها يبقي هضطر اقبل مشاركتها لاننا في النهايه واحد مش اتنين انما لو انا مبسوط فمش هخليها تحاول انها تشارك لان الدنيا ماشيه عال العال
لاء طبعا مش هبص لراتيها ولا هطلب منها تشارك لاني قلت ان البيت ملزوم مني مش منها



_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
بجد ربك مايوريش حد ولا يكويه بجرح الحب لانه بجد شئ صعب اوووووي
انما اانا عن نفسي واحد هجرتني تغور ولا هتفرق بكره هتجوز ست ستها وهيه اللي باعت اروح ليه اتودد ليها بجد كرامتي متسمحليش ده هجر مش اي حاجه يعني قالت الوداع
قالي الوداع وهقوله ايه هوه الوداع يتقال فيه ايه



<< هاخد بريك وارجع اكمل
اسئلتك ولا اكني في امتحان
والاسئله كلها السهل الممتنع
ههههههههههههههههههه

السلام عليكم ورحمة الله وبركاتة

م/محمد بدر تسلم علي اسئلتك
ويلا نجاااوب

اذا اعطيتك ساعه مع من تتمنى ان تقضيها؟
مع كل الاعضاء النشطين في المنتدي معانا


هل يحق لرجل ضرب المراه لاي سبب كان؟
لاء لاء لاء طبعا انا ضد ان الراجل يضرب المراه بتاع ايه يضربها دي مش رجوله اصلا


ماذا تفضل الزواج بحب او بدون حب؟
والله اذا لاقيت الحب الحقيقي وده بقي صعب شويه اليومين دول يبقي افضل
انما او لقيت نفسك هتلبس يا معلم يبقي الزواج التقليدي افضلك وان شاء الله تلاقي الحب الحقيقي في فتره الخطوبه وبعد الجواز


هل بكاؤك تعتبره عيب؟ وما الذي يبكيك؟
لاء مش عيب بس محبش حد يشوف دمعتي
وانا ببكي في الفرح اكتر من الحزن دمعتي في الفرح قريبه عن دمعتي في الحزن


ما الفرق بين خيانة الرجل والمراه؟
تعدتت الاسباب والخيانه واحده يعني مفيش فرق هوه خان هيه خانت الثقه انتهت ما بينهم
خلص الكلام يعني بس انا اعتقد ان خيانه المرأه اصعب من خيانه الرجل


لو فتاة تحبك اعلنت لك عن حبها ماذا تفعل؟
لو انا بحبها برضه وهيه حست بكده وعارفه اني مش هاخد خطوه وقصرت عليا الحوار هتبقي
فل واكيد انا كمان هعرفها اني بحبها مع العلم اني عارف انها بنت ناس
انما لو كانت عايزه تيجي تقضي يومين وفل يعني هقولها وانا كمان بحبك زي اختي بس للاسف انا مرتبط << ابوخالع علي طوول


اعتذار تريد ان تقدمه لمن؟
لاي حد انا ضايقته بقصد او بدون قصد بجد اقوله اسف


ماذا ستكتب لنا لتعبر عن حياتك التي عشتها الى الان في كلمات قليله ؟
والله يام حلوه وزي الفل بجد عملت حاجات كتير بسطتني بس لسه معملتش حاجه مفيده في
حياتي بس ناوي اعمل ان شاء الله وان الحياه حلوه بس انا اللي فقر وكل ما بروح مكان بيخرب



اذا اردت ان تبكي الان , فعلى من تبكي؟
هوه انا مش عايز ابكي يعني هههههههههههههههههههههه بس لو بكيت
هبكي علي حال الدول العربيه ولسسسسسسسسسسه
ربك كريم



من ستختار ليمسح دموعك ؟
اانا همسحها لنفسي هوه انا صغير ههههههههههههه
لاني مش بحب حد يشوف دمعتي


من يسكن قلبك؟
والله قلبي فاضي لو عندك واحده
عايزه ايجار قديم جديد تمليك مفروش كله شغاااال هههههههههههههههههه


هل تعتقد ان حظك سيئ؟
ساعات وساعات وعموما لما تبص للحوار كله هتلاقي ان الدنيا كده بتخبط معاك ساعات وهتظبط معاك ساعات ووكده يعني


ما هو الموقف الذي غير مجري حياتك؟
لما كنت في ثانيه ثانوي وخلصت السنه بتفوق 80% كانت من اجمل السنين في حياتي ههههههههه
ههههههههههههههههه والدتي كانت عايزاني اكمل رياضه اتنين واقدم هندسه خاصه
وسمعت الكلام ورحت درس الفيزيا مع اصحابي والدنيا فل معايا لحد ملقيت المدرس دخل في قاعده عمكم ارشميدس وقفت وقلتله انا كده فل قالي يعني ايه قولتله انا رايح احول ادبي لان بجد كانت رخمه اووووووووووووي
وفعلا رحت حولت ورفعت مجموعي9% ودخلت كليه التجاره لاني كان نفسي ادخلها
واعتقد اننا ممكن مكنتش امشي في هندسه او صيدله والحمد لله اني دخلت تجاره


هل تدخل الشات ؟
كنت بدخل وهوه شات واحد مكنتش بدخل غيره وربنا كانت احلي ايام كفايه لمتنا بس بقالنا فتره كبيره مش بندخل مشاكل وكده واذا حصل اننا عرفنا نتلم تاني اكيد هكون اول اللي هيدخلوا نمور عبودي مروان جاار العنودي اسوفه عمونا البطل شوتر صبوره كانت ايام


هل هزمك حزنك في يوما من الايام؟
لاء والحمد لله كل ما بيحصلي شئ محزن بحس اني بخرج منه اكتر قوه واكتر حبا للفرح


مستحيل انساك لمن تقولها ؟
احمد صديقي والبنت اللي كنت بحبها
الله يرحمهم


اللي راح راح وماتفيد كلمة ياريت إذا أردت ان توجه هذه العباره لمن؟
العباره دي اوجهها ليونس صديقي لاننا كنا لما نخلص الامتحان تلاقيه شغال مراجعه ويقولي تخيل انا عملت دي كذا بس المفروض تكون كذا فأقوله اللي راح راح وما تفيد كلمه ياريت


انت كل شيء بحياتي لمن تقولها ؟
عائلتي واصدقائي


متى اخر مره بكيت؟
مش بكيت بكيت يعني بس في دموع فرح نزلت لما غلبنا قصدي قطعنا ايطاليا في كأس العالم للقارات


اي الدول تتمنى ان تزورها ؟
لبنان من الدول العربيه
وكندا علشان اشوف شلالات نياجرا


هل انت راضي عن نفسك ؟
الحمد لله راضي عن نفسي وعن كل شئ عملته وبعمله في حياتي


بماذا تقر وتعترف أمامنا الان ؟
اني احبكم << فيس ( منحرج ) هههههههههههه


اغمض عينيك دقيقه لو سمحت, ماذا خطر على بالك وانت مغمض العينين ؟
خطر في بالي صنيه معكرونه بالبشمل لاني صراحه جوعاااااااان


يلا انا هقوم اكل وارجع اكمل الاسئله
فااااااصل ونوااااااصل
خالص تحيتي
وادي الحب
سلااااااااااااحف

السلام عليكم ورحمة الله وبركاتة

باااااااااك يلا نكمل


هل تؤيد الزواج العاطفي ام الزواج التقليدي ؟ ولماذا ؟
الزواج العاطفي حلو بس لو في حب حقيقي من الطرفين
انما لو مفيش حب يبقي الزواج التقليدي احسن
وان شاء الله تلاقي الحب الحقيقي في الخطوبه وبعد الجواز
وكل واحد فيهم ليه ايجابياته وسلبياته
يعني الزواج عن حب بنكون فاهمين بعض انما الزواج التقليدي خصوصا لو مفيش فتره خطوبه تسمح اننا نعرف بعض كويس بتحصل مشاكل



ايهما اهم شهادتك الجامعيه أم الزواج ممن تحب ؟
طبعااااااا شهادتي الجامعيه اولا ثم الزواج ممن احب



هل تعترف بشيء اسمه الصداقه بين الرجل والمرأة ؟
ايوه بس في حدود الاحترام والادب وكل واحد اكيد ليه خطوط حمراء ممنوع يتخطاها


هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لاء والحمد لله وعمري ما اضر شخص واعمل فيه كده


من هو اكثر شخص تفكر فيه؟
اليومين دول واحد صديقي عنده مشكله وبنحاول نلاقيله حل


اذا تم تعيينك ملكا لجميع البلاد العربيه فما اول قرار ستتخذه ؟
هقعد كل البنات واي واحده بتشتغل في البيت
<< شكلي هنضرب بس امسك بس المنصب ده مه بجد حرام ان كل الشباب دووول مش لاقيين شغل وانتم اغلبكم شغال
مع العلم ان اي شاب هيشتغل قدكم ثلاثه او اربع مرات يعني اغلب ايام السنه بتروحي الشغل وانتي مصدعه وجايه متأخر اصلك كنتي مشغوله في تقليه المحشي واخر اليوم عايزه تمشي بدري تلحقي تعملي المحشي لاء اقعدي احسن من الشغل علشان تفضي للمحشي ولما تولدي اجازة وضع ولما تخلص ساعتين رضاعه في سيدات كتير ناجحين في عملهم بس لما كل الشباب اللي قاعد ده يشتغل نبدأ ناخد منكم في الاماكن الفاضيه وطبعا انتم هتنتخبوني للمنصب ده هههههههههههههههههههههههههههههههه


هل تكره شخص بشده في حياتك ؟
ايوه بكره اي شخص معادي لدينا بكره بوووش اوي واحسن شئ عمله منصور ازيدي انه حدفه بالجزمه مه مش بعد ما تيجي وتضرب البلد تقول ملقناش اسلحه دمار شامل ليه يعم


ما هو اقتراحك الذي تتمنى ان يحدث في هذا المنتدى ولم يحدث الى الان ؟
ان كل الاعضاس المحبين للمنتدي يشاركوا في المنتدي الزراعي وان الاعضاء المختصين في الزراعه يشاركوا في المنتدي العام
وبجد المنتدي لذيذ ومن تقدم لتقدم وللافضل دايما


ماالذي يلفت انتباهك بسرعه في الشخص لكي تعجب به ؟
طريقه في الكلام وشخصيته يعني يكون لذيذ مش تحس انه عايز يبقي قيادي وعايز يمشي كلامه حتي لو غلط وخلاص


حكمة تؤمن بها جدا؟؟
عيش حياتك كما يجب ان تعيشها لانها فرصتك الوحيده


عاده تفعلها دائما تتمنى ان تتركها ؟
السهر والغضب


ماهو اجمل اسم لولد واجمل اسم لبنت من وجهة نظرك؟
ولد ادم ويوسف وعبد الرحمن
بنت ملك ومريم ومرح ومهريفان


ماذا تفعل اول شيء اذا ربحت ملايينا او مليونا عشان مانكون طماعين؟
هروح احطهم في البنك هههههههههههههههههه
لاء هبني منهم مسجد الاول وبعدين اعملكم حفله ههههههههههههههههه
وبعدين هحاول اعمل مشروع صغنن كده واحاول اكبره واعمل حاجه مفيده في البلد دي
يعني احمد عز يحتكر الحديد انا احتكر الاسمنت ونولعها هههههههههههههههههههه


هل انت من لديهم رغبة حب التملك واذا تملك الشيء اصابه الملل منه ؟
لاء الحمد لله وان شاء الله عمري ما يبقي فيه الصفه دي



ما رئيك بالمنتدى ؟
والله من غير مجامله المنتدي بقي لذيذ وفي تقدم علي طووووول
بس في اعضاء كتير بتسجل مش بنشوف نشاطهم معانا
غير كده بحس ان الاعضاء معدوش بيدخلوا الاقسام يعني الموضوع اللي بيبان في الصفحه الرئيسيه بيدخلوا ويردوا عليه بس في حين ان بيبقي في مواضيع جوه الاقسام متردش عليها انا حاسس ان ده اللي بيحصل والله اعلم


ما رئيك بأعضاء المنتدى ؟
بجد نااااااس محترمين ااوووووووووي وانا اتشرفت بمعرفتهم


ما رئيك بمشرفى المنتدى ؟
عن نفسي المشرفين بجد شخصيات جميله جدا ومحترمين
نيجي للكلام المفيد بقي الارشيف اتعمل في مواضيع مكرره مش بينقلوها ليه ليه
مفروض انا لو منزل موضوع وهوه مش شايفه منسق ينسقه
في مشرفين مش بنشوفهم خالص معانا يعني في حاجات مفروض هما يزبطوها مش بيعملوا كدا
وان شاء الله يظبطوا الاداء لان ده كله هيعود علي المنتدي ومش عايز حد يزعل لان ده عادي كل انسان معرض للخطاء وجلا من لا يسهو


ما رئيك بمضمون المنتدى؟
المنتدي مضومنه الافاده وبجد انا عن نفسي استفد منه
وتعلمت منه حاجات او مره اعرفها
وهوه مكان لالافاده والاستفاده
وان شاء الله في تقدم علي طووووووووووووووول


مشكوووووووووور م/محمد بدر
علي اسئلتك
استمتعت وانا بجاوب عليها
اتمني اكون كفيت في الاجابه
خالص تحيتي
وادي الحب
سلااااااااااااحف