أوعي تقف لبنت في المترو !!!!!

زائر

السلام عليكم ورحمة الله وبركاتة

مساء الجمال يا شباب

نخش ف الموضوع ع طول

ياجماعة احنا لازم نعمل وقفة .. من اللى هيه كده

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،

والأخت إيناس الدغيدى تطلع تقول ان الراجل همجى مش بيعرف في المرأة غير جسمها،

والأخت
إقبال بركة تقول إن مصدر جمال المرأة هو عقلها مش جسدها ولازم التعامل
معاها كعقل بدون النظر إلى الجسد هيه عاملة فيه ايه.. ده باعتبار ان
الواحدة تبقى ماشية في الشارع وواحد بقى يعاكسها يا ابو عقل جامد..ياواد
انت ياابو مخيخ ..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !!
كل الكلام ده ماشى

والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !!

والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !!
البنت طبق كشرى بحاله من الكبير ابو تلاتة جنيه.. زيه زى الولد بالظبط

والأخت
عبير صبرى ربنا يهديها تقول ازاى الراجل المتوحش القاسى التنين اللى بيطلع
نار من مناخيره بيتعامل مع الأنثى اللى هيه نسمة ماشية ع الأرض يا ولداه !!

طبعا
انا باعدى الكلام ده لأنى عارف الولد المحترم بيعامل البنت المحترمة
ازاى.. والزوج المحترم بيعامل الزوجة المحترمة ازاى ومش محتاجين نصايح اسم
الله على جمالهم وأدبهم اللى فاتوا

المشكلة بقى مادام بيقولوا
البنت زى الولد.. ليه الولد بيقف في المترو عشانهم بقى؟؟ أيوة اوعى تمشى
استنى..دى مشكلة كبيرة مش صغيرة..يعنى الولد لما يركب المترو كام مرة في
اليوم وكل مرة اكتشف انه لازم اقف عشانهم تبقى مشكلة

يدخل
المترو في أمان الله ويقعد بعد جهد جهيد وهو شايف واحدة موظفة مع صاحبتها
راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة
وقاعدة تقور في الهوا يمين وشمال عشان يبقى الشرح عملى وصوتها عالى.. واول
ما تدخل المترو تلاقى الشلل الرعاش حلّ عليها.. وعينيها مش قادرة تفتح من
الإرهاق وتيجى هيه وصاحبتها قدامه بالظبط وتعلـّى صوتها

وتقول لصاحبتها:

معدتش باقدر أقف كتير يا سنية..

ترد عليها زميلتها واللبانة ف بقها:

ومين سمعك يا حبيبتشى..

الدكتشور قال لى انى لو وقفت على رجلى خمس دقايق هارجًّع ع اللى قدامى علطول

وللا
البنت اللى لسة شباب.. تبقى قاعد لا بيك ولا عليك وتلقى المحروسة داخلة
المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك..
وفجأة تفضل تظبط شعرها وترميه ورا ضهرها زى إعلان صابون كامى عطر فرنسى
الإيحاء..ومتوقعة ان الزبون اللى هوه اواد المحترم الغلبان هيقوم يبوس
ايديها انها تقعد مكانه.. والله لو خلعت شعرها كله وادتهولك على سبيل
المقايضة زى قدماء المصريين..برضه مش اوعى تقوم

وبعدين الأول
كانت عربيات السيدات في المترو قدام ومع ذلك كانوا منتشرين في كل العربيات
وقلنا ماشى..بعد ماحصلت حادثة مترو حلوان البسيطة اول المترو.. قالوا لا
.. هاتوا السيدات في نص المترو..ليه بقى؟؟

ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى

طب
حد مننا اعترض ان السيدات ماليين مترو الرجالة.. أبدا..انما شوف بقى ياعم
الحاج لو حظك الأغبر وقعك انك ركبت سهوا في عربية السيدات..ياداهية
دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها
في الأرض من الكسوف..واللى تقول أوووه.. راجل..فانتستيك..صلاة النبى..

انتى
عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة
بيتك هتلاقى واحد من نفس الفيرجن في وشك زى القضا المستعجل

والبنت اللى في الجامعة آه لو شافت راجل في المترو.. هيغمى عليها من الخضة..

ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟

أيوة مادام فيه مساواة تبقى ف كل حاجة.

.
زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار
انها إبراهيم ابن خالته يعنى عادى ..ومادام فيه مساواة ولازم نتعامل مع
عقل البنت.. يبقى بلاش تلعب فى شعرها وتورينك دايما انها بتحط هيد
أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط
برضه هيد أنشولدرز ومن الحجم الكبير كمان أبو عشرين جنيه..

انا مش بقول انك متقمش خالص

.بس
قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة
تسع عيال على ايديها..كده يعنى.. حالات تستاهل.. انما واحدة عندها تلاتين
اربعين سنة وقاعدة عاملالى فيها حسين رياض لما اتخرس في رد قلبى.. أقف
ليها ليه؟؟

وكمان شوف الموقف ده.. بقى ينفع
الواد يقف عشان واحدة ست تقعد..ويقف جنبها..وأول ما تيجى تنزل محطتها
تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث
يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة
حتى..وموقف ورا موقف تكتشف في لحظة ان كل الستات والبنات قاعدين..وكل
الرجالة ماسكين جرايد وقاعدين يهووا عليهم:
ألف ليلة وليلة.. قصة كل ليلة..احكى ياشهرزاد.. احكى لشهريار

وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..

طب
ما دام انتى متضايقة كده ماتقومى تقفى بلاش القعدة المقرفة دى.. وللا يعنى
عشان كل مرة واحد محترم شباب هوه اللى يقف عشان المكان يوسع للهانم.. أم
طاقية.. طاقية حمرا.. للهانم البيضا.. والهانم السمرا

القاعدة

الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده.

.بيطالبوا
بحقوق المرأة اللى على كيفهم.. مع ان ديننا جعل المرأة جوهرة يتحافظ عليها
وتتعامل أحسن معاملة مش سلعة وموضوع في كل برنامج شوية.لو كنت قاعد على
كرسى في المترو.. دايما حاول انك تربط رباط جزمتك وانت قاعد لمدة العشرين
محطة اللى انت راكبهم وماتبصش لأى حد واقف عشان قلبك الطيب

خد معاك وانت راكب المترو
..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد

خد
معاك مطوة عشان لو قلبك الطيب خلاك تقعَّد واحدة منك وبعدين وهيه نازلة
شاورت لواحدة تانية تقعد مكانها وطنشتك.. تغزها بالمطوة غزتين عشان تفوق

حكمة الموضوع .. ( بالنحوي )

تجلس البنات في المترو

يقف الشباب في المترو

إن البنات مفتريات

إن الشباب غلبانون

موافقنى الرأى يا شباب ولا ايه

خالص تحياتي
وادي الحب
شباب متسبونيش انضرب لوحدي
<< مش بتفرق مع الرجاله << متخفشي خليك جبان
هههههههههههههههههه

ههههههههههه موضوع جميل جداااا ياوادي الحب
والصراحه انا موافقاك جداااا في كل الموضوع لان فعلا ده اللي بيحصل
وانا شفت كتير جداااا من المواقف ده في القطار اثناء لما كنت في الكليه
تسلم علي موضوعك المفيد جداااااافعلا هو مضحك لكن فيه ايضا حكم جميله
ومفيده لان فعلا الاسلام جعل المراه جوهره يتحافظ عليها وتتعامل معامله حسنه وليست سلعه
تسلم ياوادي الحب
ويجازيك كل خير
خالص تحياتي......

زائر

السلام عليكم ورحمة الله وبركاتة

وقد شهد شاهد من اهلها علشان محدش يقول اني بجيب حاجه من عندي
يسسسسسسسسسسسسسسسسسسسلموا سهيله علي مرورك المعطر
بالورد والفل والياسمين
ربي يعطيكي الف عافيه
ودوووم منورة متصفحي
خالص تحياتي
وادي الحب

:cheers: موافقك وابص بالعشره كمان
ههههههههههههههههههههههههههههه

وربي موضوع وادي تسلم ايدك عليه

من جد للاسف بعض البنات هذا دوما تحصل

يعطيك العافيه وتسلم ايدك يالغلا

تحياتي
نمر الرافدين

زائر

السلام عليكم ورحمة الله وبركاتة

نموووووووور دوووووووووم الضحكه منورة الدنيا
بس نعمل ايه قلبنا اصفي من اللبن الحليب ومش بيعجب
دمت بألف ود
خالص تحياتي
اخوك
وادي الحب

موضوع يجنن ويضحك كمان تسلم وادي الحب عليه وبجد ملهمش حق بلي بيعملوهوزي ما قلت ربنا كرم الست واعطاها حقها وكلام التلفزيونات والكلام الفارغ هاد الي عايزين يساوي الست بالراجل غلط بغلط الست ربنا كرمها واداها حقها كامل وصانها وسخرلها الراجل ليتعب عنها ويكرمها ببيتها وبكل مكان تروحله وربنا يبارك فيك يا واد ي الحب بجد موضوه يستاهل يتحكى فيها مجلدات وتقبلي مروري المتواضع ومع انه متاخر

زائر

السلام عليكم ورحمة الله وبركاتة

مشكووووووووور بنت فلسطين علي مرورك المعطر
بالورد والفل والياسمين
والف الف الف حمد لله بالسلامه
وان شاء الله اخر الغيبات
خالص تحياتي
وادي الحب

ربنا يسعدك ويخليك يار ب يا وادي الحب ومتشكره على افتقادك ليه ويارب يديم الاحترام والمحبه بينا كلنا يارب وتقبلي تحياتي لالك وربنا يكتر من امثالك يارب انت وكل الي بالمنتدى

تسلم ياوادى وانا طبعا معاك ان الوقوف للوحدة الى تستاهل بس مش اى حد والبنت انشالة تكون مركبة شعر بلاستيك علشان تغريك اوعة تقوملة ههههههههههههههههههههههههههههههه

زائر

[size=18]

السلام عليكم ورحمة الله وبركاتة

يسسسسسسسسسسلموا بنت فلسطين علي روحك الحلوه وطبعا لازم نقلق عليكي ونفتقدك لما تغيبي
دوووووووووم منورة المنتدي

محمد الله عليك يا بوب شعر بلاستيك هههههههههههههه

خالص تحياتي لكم
وادي الحب

[/size]

» حجز ابن العم لبنت عمه ...
» صور من مصر اهداء لبنت فلسطين