كيف تدخل الجنه؟؟؟بسم الله الرحمن الرحيم
اولا السلام عليكم الى كل الاخوه الاحبه ... الموضوع بتاعى موضوع شيق جدا جدا و الله اعلم ممكن اقوله كله مره واحده او ممكن اقول شويه و اسيبكوا تتناقشوا
اولا لازم نعرف كلنا ان احنا مش من مصر و لا من السعوديه و لا من الامارات و لا اى حاجه
لا يا جماعه احنا غرباء على الارض .. احنا اصلا من الجنه
سيدنا ادم كان فين الاول؟؟؟ فى الجنه ... هوه ده بيتنا الاول ... و هيكون الاخير ان شاء الله
طيب ايه الى موجود فى الجنه؟؟؟محنا عايشين على الارض و مبسوطين اخر انبساط
:
شوف بقى الكلمه دى ... ما لا عين رأيت و لا اذن سمعت ...
يااااه ... يعنى ايه الكلام ده؟
يعنى فوق خيالنا كلنا ... و مش كده بس ... و لهم فيها ما يشائون
طيب نقرب الموضوع اكتر
ترابها المسك .. حشيشها الزعفران ... الحصى بتاعها تتخيلوا ايه؟؟؟!!
لؤلؤ ... و طبعا مش همنشى نلمه من الشارع
لان عندنا منه فى القصر بتاعنا منه كتيييير
طيب القصر بتاعك شكله عامل ازاى؟؟
طوبه من دهب .. و طوبه من فضه ... و المونه بتاعتها مسك
عارفين المسك الى عندنا فى الارض ده تمنه كام؟؟؟
عارفين رائحته عامله ازاى؟؟؟
مبالكم بقى بمسك الجنه
ده القصر كده من بره طبعا بقى جواه هتلاقى النهر بتاعك و الحوت بتاعك الى بتقعد تلعب معاه و دريم بارك بتاعتك
هل انا بخرف و لا بتكلم جد؟؟
لهم فيها ما يشائوووووون ... يعنى الكلام ده ميجيش حاجه فعلا عن الجنه الحقيقيه الجنه اكبر من كده بكتيييييير
ياه .. طب انا ممكن اخش الجنه؟؟... دانا عندى ذنوب كتير اوى:mon:
فى الفتره الى فاتت سمعت محاضرات كتير فمش عارف اجيب القصه دى و احكيها بالظبط .. المهم بتقول ايه
فى يوم القيامه واحد واقف بين ايدي ربنا ... (مش بيشوف وجه ربنا سبحانه و تعالى على فكره ... النعمه دى هتكون لاهل الجنه فقط و رؤيه وجه ربنا دى اكبر متعه .. فهى امتع من كل متع الارض و متع الجنه)
المهم الراجل ده واقف بيتحاسب ... سيئه سيئه سيئه ... مفيش فايده ... داخل النار داخل النار :(:(
و بعدين خلاص الراجل فقد الامل ... جه فى الاخر فبيقول سامحنى يا رب ... قاله اسامحك على ايه؟انت مش كنت توبت؟؟قاله ايوه .. قاله طب افتح كتابك مره تانيه .. فاذا بالسيئه تقلب حسنه و تأتى السيئه الاخرى و تقلب حسنه و يقلب كل سيئاته حسنات فيقول الرجل يا الله لقد نست الملائكه ان تكتبلى سيئات اخرى فيضحك النبي عليه الصلاه و السلام و يظل يضحك و يضحك حتى بدت نواجزه
بسهوله كده يا رب تقلبلنا كل سيئاتنا حسنات؟
ايوه بسهوله .. عارفين ليه؟
عشان مفيش و لا واحد هيخش الجنه الا و كان معندوش و لا سيئه
معقول ... يعنى الى عنده سيئه واحده ميخشش؟
ايوه ميخشش
و ده الى انا عايز اوصله .. ازاى نخش الجنه؟
قبل ما نخش الجنه فنمشى على حاجه اسمها الصراط ... الصراط ده بعرض جهنم ... طب عرضها اد ايه؟؟
مش عارف بالظبط العرض لكن عارفين العمق اد ايه؟
كان الرسول عليه الصلاه و السلام قاعد مع الصحابه و انتفض فجأه فسأله الصحابه فقال عليه السلام لقد سمعت حجرا نزل الى قاع جهنم يسقط منذ 70 سنه ... فما بالكم بعرض جهنم
نمشى على هذا الصراط الحاد كالسيف الى ان نصل الى الجنه ... يعنى مستحيل حد يخش؟
ناس هتعديه اد الفتره الى بتفتح فيها عينك و تقفلها و ناس هتعدى كالبرق و ناس هتعدي كسرعه الريح و ناس هتعدي كالى راكب حصان و ناس هتعدى زحفا و الاخر حبوا و اخرون يسقطون و يتعلقون بالصراط و اخرونيسقطون فى جهنم
عايز تكون مين فيهم؟؟؟
لغايه دلوقت مقولتش الى عايز اقوله ... و مش عايز انا اقوله
كل واحد يقرا الموضوع يقول ايه الى يخليه يقدر يخش الجنه؟؟؟
و ازاى هيقدر يخش و هوه ابيض يا ورد مع العلم ان عنده بلاوى سودا فى حياته
و محدش يفكر ان البلاوى السودا هيا الشرك بالله و القتل بس ... فيه عدم الصلاه و تأخيرها (سمعت قصه راجل بيحكي بيقول ان اخته ماتت و بعدين راح يدفنها و هوه بيحطها فى القبر نسى تقريبا و مش متذكر بالظبط كيس فلوسه المهم حاجه مهمه جدا و قفل القبر فافتكر بعد شويه فرجع لوحده و فتح القبر فاذا هو نار متوهجه و حرارته لا تطاق فقفله مسرعا و ذهب الى امه و قال لها ماذا فعلت اختى فقالت الام انها كانت تأخر الصلاه عن وقتها فما بالكم بمن لا يصلى اصلا)و فيه الى مش بيسمع كلام ابوه و لا امه و فيه و فيه .. كل دى ذنوب بتتراكم علينا ازاى هنخش الجنه و علينا ملايين من الذنوب؟
هناك اشياء انا اسميها بالفلاتر
عامله زيي فلاتر الميه الميه تدخل فيها وسخه تطلع زيي الفل ... فما هى الفلاتر؟
كل واحد يقول كل الى عنده
و تحياتى
