عالم شبابيك

زائر

شبابيك شبابيك

والناس طوابير

شايلين مواويل ..

ف همومها تبات

م النجمة تقوم .. تحكى حواديت !

شبابيك شبابيك

ووراها كتير

من أصغر نملة لأكبر فيل

حاملين أختام واحبار واقلام

حاكمين بروتين من عهد إيزيس !

شبابيك شبابيك

قاعدة بتتأمر ف الكواليس !

:- صورلى ورق ...

إملالى بيانات ..

فين الطلبات ؟؟؟؟

هات الدمغات

وف ثانية تلاقى الكون كوابيس !

تمشى يا مسكين نفسك تصحى "ا"

دايخ

تايهه

عايز بَصَلة !

فين البُصلة ؟

قبل ما تتبعطر ف الطرقة !

عايز حبة لمنع الغم

وشربة صبر فحرقة دم

ويا سلام لو ماكنة تصوير

أصل الهم دا نسخه كتير !

وأسانسير ..

يرحم لفك م المشاوير

وبعد دا كله

ترجع تاااانى للطوابير

تلقى "ا" الناس وافقين زنهار!

وكأنه اتعاد زمن التحنيط !

ويعدى نهار

فجأة يِفُطْ صاحبنا الخُطْ

ومعاه مُزمار ..

بيغنى ف حلمك من حواليك !

:- عايز تِخْلَصْ ؟

حُطْ الفيشة !

ناولنى ولَخَصْ

تحلى "ا" العِيشَة

! أما غريبة

يعنى أنا داير م الصبحية ..

زى البغل ف قلب الغيط !؟

لوانى عرفت ..

ما كنت لا رُحْتْ هناك ولا جيت !

:-يلا يا باشا

إبرز تنجز !

تلقى الشبابيك ملك إيديك

بتقول ليك شبيك لبيك

أما صحيح عالم شبابيك

بجد بتحكى حالنا تماما
وحالى أنا تحديدا
تلك الفترة
غريبة اوى الدنيا دى
واللا احنا اللى اغراب فيها
مش عارفة

بجد عالم شبابيك تسلم ايدك اخي طايش بس انت طايش فيه لنجي نطش معاك هههههههههههه

بجد كلامها جميل ومعبر وفي غايه تعبر عن نفسها

تحياتي ليك بنت فلسطين

والله يا ابو عيون جريئه صار مبدع بالقسم الادبي
انت بتذاكر من ورانا ولا ايه هههههههههههه

يسلم لنا مواضيعك العسل يا عسل

تحياتي

نمر الرافدين

كلمات صادقة جدا

قلائد تقدير لروحك

و طبت بنقاء

السلام عليكم ورحمة الله وبركاته
برضه شمة نفس ريحة الشخص اللى اعرفه
معقول انت هو وغيرت اسمك ولا ايه؟؟؟؟؟
المهم بجد كلمات فى الصميم
تسلم ايدك عليها فكرتنى بااغنية لمحمود العسيلى
وفى انتظار مزيدك

زائر

م.حنان بيلونة كتب:

نورتيني حنان

زائر

مصريه للأبد كتب:: بجد بتحكى حالنا تماما
وحالى أنا تحديدا
تلك الفترة
غريبة اوى الدنيا دى
واللا احنا اللى اغراب فيها
مش عارفة

لا مش احنا اللي اغراب يا فوفو
ولا الدنيا اللي غريبه بس العيب في النظام
وكفايه كده لاحسن اروح في داهيه
شعارنا ابرز تنجز
نورتيني كتير فوفو

زائر

بنت فلسطين كتب:: بجد عالم شبابيك تسلم ايدك اخي طايش بس انت طايش فيه لنجي نطش معاك هههههههههههه

بجد كلامها جميل ومعبر وفي غايه تعبر عن نفسها

تحياتي ليك بنت فلسطين

ابرز تنجز يا بنوته
بس مش فهمت حوار الطش ده
ههههههههه
نورتيني كتير بنوته

زائر

نمر الرافدين كتب:: والله يا ابو عيون جريئه صار مبدع بالقسم الادبي
انت بتذاكر من ورانا ولا ايه هههههههههههه

يسلم لنا مواضيعك العسل يا عسل

تحياتي

نمر الرافدين

ابو عيون خضر يااااض انته بتنسي ولا ايه
سمايل بيطلع لسانه .. وعيب عليك ال بذاكر ال
تربيتك يا بومبو
نورتني يا سحس

زائر

الحـالـمــة كتب:: كلمات صادقة جدا

قلائد تقدير لروحك

و طبت بنقاء

نورتيني حالمه
وميرسي ع المرور اللي زي العسل دهون

زائر

عليــــــــــــــــــــاء كتب:: السلام عليكم ورحمة الله وبركاته
برضه شمة نفس ريحة الشخص اللى اعرفه
معقول انت هو وغيرت اسمك ولا ايه؟؟؟؟؟
المهم بجد كلمات فى الصميم
تسلم ايدك عليها فكرتنى بااغنية لمحمود العسيلى
وفى انتظار مزيدك

وعليكم السلام
<< برئ يااا بيه .. بس ايه حوار شمه دهون
وصدقيني معقول ليه مش معقول ( اسمايل بيطلع لسانه )
اه فعلا اغنية طراطير طراطير
نورتيني كتتتير يا علياء

» عالم التوابل
» عالم الحشرات
» جولة فى عالم الطيور