بتعرف تعمل ... عبيط !! قولتلي ازاي تعاله وانا اقولك ...

السلام عليكم ورحمة الله وبركاتة

يلا كلنا نبقي عبط
أولا : لو حبيبتك عماله تزن عليك وتقولك يللا نخرج بقى زهقت من الجو ده وأنت طبعا والمفروض أنك مأشفر ومش لاقى تأزأز لب تقوم تعمل إيه بقى ف الوقت ده تروح داخل ف موضوع عاطفى جامد أوى وتفضل تكلمها إنك بتسهر تعد النجوم نجمه نجمه وتقولها اسكتى مش انا شوفت أبوتريكه هتقولك فين قولها ف المنام ... اصل مكنتش متغطى كويس هيا طبعا هتحس أنك بتلغوش على موضوع الخروج فهتسكت كده شويه ال يعنى عشان تعرفك إنها ضاربه بووووووز روح انت بقى يمعلم قايل ايه ايوه يا ماما انا جى اهوه وقولها طب يا حبيبتى هكلمك وقت تانى عشان ماما عوزانى اشطب المطبخ )

ثانيا : لو خارج انت وأصحابك بقى وكله تماموزه وفجأه طقت ف دماغكو فكيره انكو تتعشوا مااااااشى دى فرصتك بقى يمعلمى تدخل المطعم وانت حاطط ايدك اليمين ف جيبك وبتبص ع الناس كده من فوق اوى بس خلى بالك لتقع ... وتدخل تقعد واوعى تصقف عشان الجرسون يجيلك هههههه إرسى كده وهو هييجى لوحدو اول ما ييجى هيقولك مساء الخير روح جاى قايله شوف البهوات ياكلوا ايه واطلب انت اخر واحد لحد ما تشوف هيطفحوا ايه واول ما الاكل ييجى بصله وانت شبعان كده وميهمكش منه ابدا وروح نازل ناسف الاكل وقوم بقى عشان تغسل ايديك او ابقى وفر وامسح بؤك ف كمك ... وانزلوا مع بعض عشان تحاسبوا ع الاكل ومتنساش خلى ايدك اليمين ف جيبك والمره دى الشمال على كرشك .... هتلاقى اصحابك بيبصوا لبعض كده اوعى عينك تيجى ف عين حد منهم .. ابقى اقف اتفرج على ديكور المطعم هتلاقى بقى الجنتل اللى فيكو قام مطلع خمسين جنيه ومحاسب ع الاكل وانت اول ما تلاقيه خلاص طلع الفلوس فرصتك بقى روح جاى قايل لا واللهى ابدا عيب ده انا الكبير ههههه بس متبقاش تتمسك اوى وبالهنا والشفتشى

ثالثا : لو راكب ميكروباص بقى وخصوصا لو راكب قدام جنب السواق والمفروض ان فيه سواقين رخمه بيحطوا اتنين جنب السواق ويقف ساعه على ما يلاقى واحد يركب جنبك ... اول بقى يا ييجى اللزقه اللى هيركب جنبك اوعى تتاخر عشان يقعد هوه لالالالالالا روح فاتح الباب ونازل وخليه يركب هو ناحية جوه وبعد ما يركب روح باصص له كده وقله لو سمحت اتاخر شويه عشان اعرف اقعد واطلع بقى اقعد وحاول على قد ما تقدر تزحزحه كل شويه هتقولى إز هقولك كل شويه طلع الموبايل من جيبك اللى لازق فيه او حط ايدك الشمال ف جيبك الشمال وحاول تطلعها ال يعنى مزنوق ... المشكله هنا بقى لو التانى بيعرف يعمل عبيط هو كمان ههههههه

رابعا : لو راكب عربيتك وماشى ف امان الله وفجأه لقيت كمين ... سيبك بقى من جو العفرته اللى بيحصل ف الوقت ده انك تروح ناطط ع الحزام وتشده تقطعه بدل ما تلبسه ... تروح بقى عامل ابو العبط ف الوقت ده وتقوم كاسر يمين بردو فجأه ولا يهمكش مين اللى جنبك ولو بصلك وفضل يشتم ولا تعبره ولا ترد بصله بس كده بصه عابره وروح جاى مكمل وتقوم معدى م الكمين هييجى صحبك بقى اللى انت كسرت عليه دهوا وييجى جنبك ويقولك مش تبقى تفتح ...بردو بصله ومترودش وانت باصص له روح جاى دايس بنزين وشادد

خامسا : دى بقى تاخد بالك منها اوى اوى بص بقى
وصلى بينا على نبينا

تبقى ماشى او راكب او حتى قاعد وتلاقى واحد واقف قدامك متعرفش ازاى بقدرة قادر كده اهوا ومادد لك ايدو ويقولك حاجه له يا بيه او راضينى والنبى شوف بقى ف الوقت ده ولا اكنك قاعد اصلا او لما يمدلك ايديه روح جاى مسلم عليه وقوله اهلا وسهلا انا احمد باشا 3 فدادين منجا واتنين جوافه واربعه كوكتيل هههههه ايه رايك اجيبلك قصب تشرب ولا تمص

إمضاء
مدرس عباطه ... والمره الجايه تيجوا ومعاكو كراسة الاول فى العبط


خالص تحيتي
وادي الحب
سلااااااااااااااااااااااااااحف